Лемкы — Русенко
МЫ БІДНЫ уж з діда-прадіда,
То будме-же духом богаты,
А чести не дайме здоптати,
А віры не зламе нам біда.

МЫ СЛАБЫ щ як гача до плуга,
То разом бермеся до діла;
В громаді — найде ся и сила,
Лем треба спомочьі друг-друга.

МЫ МЯГКЫ, нам гварят, як глина:
Гартуймеся значит — на груду
У огни наукы и труду,
Постужат гнет наша Родина.

МЫ ТЕМНЫ, так гварят “не-лемкы”:
Нам треба кус веце освіты,
А сонце и для нас засвітит,
Не блудме все вколо потемкы.

НАС МАЛО — то в Союз-громаду
Вступайме и смотме докола
Быстрыми очами сокола,
Кто з нами враз иде, кто ззаду.

МЫ САМИ, а нашы недругы
Знищити нас хотят насильно.
Ставайме, боронмеся спільно
Напротив ворожой потугы!

Русенко



[BACK]