LemkoAss60
Лемкы в цілом світі.

Ворогы гварят — лемков ніт,
Же Лемковщина уж капут!
А преця видит цілый світ,
Же нашы лемкы всяди сут.
Таж тридцет роков прешло уж,
Округлых тридцет довгых літ,
Як єднат нас Лемко-Союз
А врагы брешут, же нас ніт!
Мы святкуєме renowned day
За тридцетлітный великий труд.
Най жиє славный юбилей,
Най жиют лемкы, где лем сут!
Слава най буде за их труд
Тым, што почали перший рух
Што нам вказуют правый путь.
И кто нам ворог, а кто друг
Вступайме, брате, в свой Союз,
В кого лемковска душа єсть:
То обовязок наш и мус —
В Союзі наша моц и честь!
Настає, знате, новый час,
Што нам вказує свой закон:
Най буде єдность серед нас
От Пасифику аж по Дон!

21. V. 59. Русенко Иван.



[BACK]