Василь и Евфрозина Креничин

Василь и Евфрозина Креничин

В субботу 18 июля 1959 року, состоялося ту торжество 50-літного юбилею супружества нашых добрых краянов, активных и сознательных, Василя и Евфрозины Креничин. Обоє Креничины родом из славного и великого села Ганчовы, Горлицкого повіта на Лемковині, с котрого приіхали до Америкы в 1905 року до майнерского центра до місточка Шенандоа, Па. Там они поженилися в 1909 року и там прожили разом до 1920 року, бо тогды они покинули майны, набыли собі фарму коло Геркимер, в штаті Нью Йорк и там поселилися на стало, бо там жиют счастливо до теперь. Помимо тяжкого труда так при майнах, як и на фармі, обоє тішатся крепкым лемковскым здоровьом и окружающыми их дітьми, котрых выховали пятеро, а то Марию, по мужу Пупчик, Теклю Леви, Гелену Цико, Данила и Стефана, кількоро внуків и єдной правнучкы.

Кромі гостей с близка, на торжество Креничиных пришли и гості с подальша: Мария Дзвончик из Джерзи Сити, Н. Дж. Конст. Ющак из Виллимантик, Конн., братья Антонь Худинця, Юлия Литвак из Стамфорд, Конн., Алексий Худинця из Форт Плейн, Н. Й., Анастазия Глюз и др.

При веселой забаві и богатстві ідіния и напитков гості не забыли за жертву на пресс-фонд и собрали меже собом на тоту ціль 51.50 долл. Всім жертвователям сердечна подяка, а молодой юбилейной парі Евфрозині и Василю Креничин пожелания многых ище счастливых літ, радости и крепкого здоровья.


Михаил Галик.
Геркимер, Н. Й.



[BACK]