Пионер Аким Ванько
Akim Vanko
Аким Ванько

Аким Ванько родился в селі Білична, Грибовского повіта на Лемковині, дня 17 сентября 1880 року. Теперь он єст славным 79-рочным стариком, а проживат в місті Байонн, Н. Дж., што коло Джерзи Сити, Н. Дж.

Коли Акиму было 21 літ, Франц Иосиф забрал го ку свому австрийскому войску, где Аким Ванько выслужил три рокы, то єсть 1903, 1904 и 1905. Послі окончения войсковой службы Аким Ванько оставил родне село и вышол в Америку. О рок або як, он вступил до сполков Грекокатолического Соєдинения и Общества Русскых Братств. Зато он носит два отзначкы на своих грудях.

Скоро пришол до Америкы, он достал роботу в олійовни Стандард Ойл Ко., в Байонн, Н. Дж, и на той роботі остал аж до 1945 року, а теперь уж 14 роков жиє на пенсии, котру му платит компания.

Не одолга по прибытию в Америку он оженился и был пионером и закладательом парафий и клубов. Теперь на 79-ом року он высказался, што ище не помре, покля не увидит своє родне село Біличне, там на Лемковщині, бо чул, же там лем єдна церковця остала, а наш народ остал выгнаный. Он выбератся отвидіти родне село сего літа 1960 року.

Аким Ванько выховал красиву велику фамилию, всі діти женаты. Його внучка, Сандра Ди, працує в Голливуд, як фильмова звізда и зараблят великы грошы. Помимо того не забыват свого діда Акима и на каждый Великдень приходит його отвидіти. Сын Стефан єсть профессором английского языка и внук тоже. Сын Андрей женатый на донькі о. Пергача. Аким добрый газда, має свой власный дом и народныма ділами все интересуєся. Он єст вдовцом уж пару літ. Тішится добрым здоровьом, ище легко собі ходит и до церкви и на забавы. Он єст найстарший віком парафиян в парафин на 28 улици в Байонн, Н. Дж.




[BACK]