Tkach59
Тимко Ткачик, Tkach, Tkachik

Наша лемковска родина читателей “Карпатской Руси” Ткачиков в Форт Морган, Колорадо, празднували 50-літие свого супружества 23 февраля 1958 року.

Их торжество отбылося в сказочном Денвері, Коло., бо они там мают свой другий великий дом, в котром жиє их донька Ирина. Но тот юбилей был устроєный в роді несподіванкы. Юбилянтов запросили придти обозріти углик новой колибы, котру будьто бы купила донька на літны сезоны. Но там ждала уж вся родина, бо што правда, 5 их дочок жиют в Денвер. Єдна жиє в світовой славы звезлисках Гранд Канион, в городі Гранд Джонкшен, а єдна дочка жиє в Гейстингс, Небраска штаті, но тота по причині хвороты, не могла придти на юбилей.

Ту на фотографии, што была взята в день юбилею, с ліва на право, идут в таком порядку: Анна Нендрикс, Марта Дукс, Рози Кормак, Ирина Форд, Александра Мотс, Єва Ольсон. Гелены бракує на фотографии. В середині Тимко Ткачик зо женом.

Разом дочок с мужами было 14 и 16 внуков и 2 правнуков. Повідают, што як бы так и родину юбилянтов всю зогнал, то были бы два села — Крижівка и Поворозник, с котрых Ткачикы походят, в Новосандецком повіті, на Лемковині. До Америкы Ткачикы пришли в 1910 року.

Сердечны Вам пожелания на многы ище літа счастливого житья.




[BACK]