Жарты Ваня Пепериці
LemkoMan

ПАВЛИК ДРОТАР В СУДІ

СУДЬЯ: Вы повідате, што по занятию вы сте дротар. Єднак под час ревизии при вас не найдено ани кусника дроту. Што вы на то?

ПАВЛИК: — Та оно так, пане судья. Даколи и телеграф не мог быти без дроту, а теперь єсть, то чом бы и дротар не мог быти без дроту?



ГІРКА СПІЛКА

Не тримай с панами спілкы, бо як твоє задолге, то отріжут, а як закоротке, то натягнут.


ЛЕМ БОГ ЗНАЄ

ГРИЦ: — Ваню, коли мі отдаш долг?

ВАНЬО: — Або я ворожка, тото лем Пан Бог знає.


В АРЕШТІ

Начальник арешту до новоприведенных арештантов:

— У нас таке правило, што каждый арештант мусит працувати отповідно до свого фаху. Звернувшися к єдному арештанту — звідал:

— Який ваш фах?

— Я музыкант.

— Добри, будете дрова різати и воду носити.


В СУДІ

СУДЬЯ: — Ах, человіче, ты зас ту?! Ты уж 35 літ отсиділ в аретшті.

ЗЛОДІЙ: — Та так, уж ся мі належит пенсия.


В ТЫЛИЧИ НА ТОРГОВИЦИ

Deal

ГАНДЛУР: За ялівком позерате, няню?

ГАЗДА: Та смотрю, може бы-м купил. Жена казала, же як недорого найду...

ГАНДЛЯР: Та вот ту мате. Такой штукы, няню, на цілой торговици не найдете. Найменьшого ганчу нема, бо я єй от циціка выховал.

Не продал бы-м єй за жадну ціну, але грошы мі потрібны на похорон мамы. Дайте руку, згодимеся.

ГАЗДА: Коли я бы хотіл купити ялівку...

ГАНДЛЯР: Як хочете ялівкы доховатися, то перше быцка мусите собі набыти!




[BACK]