У ДЕНТИСТА

ОН: — А вы будете кричати, як вас поцілую?

ОНА: — Та чого бы-м кричала. Як мене поцілуєте так, як ся належит, то я не буду годна кричати.


ВЫКРУТ

ЖЕНА: Ванью, а то кто тобі так розбил чело.

МУЖ: Є то я певно вкусился.

ЖЕНА: То як ты достал зубами до чела?

МУЖ: А я стал на драбинку.


ЗНАЄ ИХ ДОБРЕ

КАПРАЛЬ: — Холошняк, маєте в кухни 90 порций мяса, а воякы выбрали 75 порций, то кілько порций ище лишится?

ХОЛОШНЯК: — Ани єдной не лишится, пане капраль.

КАПРАЛЬ: — Як ани єдной? То ты, офермо, дочиста рахунків не знаш!

ХОЛОШНЯК: — То правда, же я рахунків добри не знам, але я знам добри нашых кухарів.


MIDDLE

ДОКАЗАЛ СВОГО ДІЛА

В суді ведеся процесс против Фелєка Крембуты за крадеж. Судья звертатся до Фелєка:

— Уж три годины стратили зме часу. Ци наконец признатеся добровольно до крадежы?

— Высокий суде! — просит Фелєк, я невинный. — Я можу доказати, што той ночы, як зроблена тота крадеж кымси другым, то я крал цілком в иншой околици.


СТРАХОПУД В ЗАГОРОДІ

Зышлися дві кумы коло плота и стали до бесіды:

— Та чом не поставите страхопуда до загородкы?

— А пошто його там, кедь я сама цілый день в загородці.


ТРУДНЫ РАХУНКЫ

УЧИТЕЛЬ: Но добрі, мой хлопче, приходиш на своє. 2 в 10 містится 5 разы, але теперь повіч мі, кілько десят раз містится в двох, и ци може так міститися на загал.

— УЧЕНИК: — Чом бы ніт, пане профессор.

УЧИТЕЛЬ: Та якым чудом?

УЧЕНИК: — Десять пальцев помістятся в двох рукавичках.


У ДОКТОРА

ДОКТОР: — Ваше здоровье заспокоює мене до чиста. Мате ище опухнуты ноты, но я собі с того ничого не робю.

ГАНЯ: — Як бы вам, пане доктор, мали попухнути ногы, то и я бы собі нич с того не робила.




[BACK]