Лемковска Співанка
Ци то тота, ци не тота,
Што рано вставала,
Посмотріла до окенка,
Же ся не выспала.

Ище не день, ище не день,
Хвала Пану Богу,
Ище я ся попритулям
Ку свому милому.



Ой піду я піду,
Кади я ходила,
Та я собі найду,
Кого я любила.

Ой иду я, йду,
Сама не знам кади,
Заросла мі стежка
Розмариом всяди.

Заросла мі стежка,
Заросли потічкы,
Жебы-м не ходила
До свойой мамичкы.

Ружа дівча, ружа,
Закля не машь мужа;
Будешь мати мужа,
Впаде с тебе ружа.

Квіток, дівча, квіток,
Закля не машь діток,
Як будешь мати діткы,
Впадут с тебе квіткы.

Оженился дудра
С рана до полудня,
Цілу ночь не спали,
Перину латали.



Де ся курит, там ся курит,
Мойой милой с комина,
Вчера в вечер гуси скубла,
Сгоріла єй перина.

Вшиткы лучкы-м покосил.
Сіна мала купка,
Таку єм ся жінку взял,
Што не мала зубка.

Ци вы люде пошаліли,
Она зубкы мала,
Цілу зиму січку іла —
Соли не лизала.



Фраиречко моя,
Ты ружа польова,
Як я тя не вижу —
Болит мя голова.




[BACK]