Драматичный Кружок в Юнкерс, Н.Й. — Тимко Фецица
Драматичный Кружок
Члены Драматичного Кружка в Юнкерс, Н. Й. На фотографии акторы приготовлены к представлению “Така Дівка”, в Юнкерс, Н. Й., в 1957 року.

От початку истории нашых отділов Лемко-Союза Юнкерс все славился добре организованным кружком для представлений и танцев и народным хором. Роками тоту роботу проводилося и все, коли треба было, драм кружок, або хор, были все напомочы, не лем нашым містным отділам Л. С. и Центру, но часто и сусідным отділам в Цью Йорку, Бруклині, в Нью Джерзи и Коннектикот штатах.

Официально такий сильный кружок у нас теперь не существує, но все, коли нам треба для своих потреб, члены Лемко-Союза зыйдутся и выучат представление без великого клопоту, бо каждый из них добрый актор. Лем бы новых представлений было надост. Так и минувшого року в часі прессфондовой кампании, наш кружок поставил собі предежавление “Така Дівка” и грал го про отділы Лемко-Союза в Нью Йорку в гали Карпаторусской Церкви на 10 улици. 

Потом на Пущаня в осени знов кружок поставил другу штуку “Молоды Старых Ошукали”. Оба представления, хоц были містного характера, вышли удачно и предприятия были успішны. У нас на представления все ище можна красну публику достати.

Кромі того, в часі рождественскых свят под руководством Ваня Чаргоняка из Джерзи Сити была поставлена из нашых юнкерскых дітей красна рождественска штука. А потом при осенном представлению под руководством Софии Цисляк выступил створеный с доростаючых дітей танцорский кружок, котрый за короткий час зробил красный прогресс. Єсли родиче и діти будут кооперовати, он може розвитися ліпше, а тогды и он може помочы другым отділам, як то робили попередно нашы кружкы. Обміна культурныма силами меже нашыма отділами має дуже важне значение, бо нашы отділы берут собі примір єдны от другых и народна робота жиє и розвиватся.

Так, хоц мы не идеме впереді, але мы задоволены с тым, што маме и радуємеся, коли видиме, што другы місцевости идут наперед нас и робят добрый прогресс.


Тимко Фецица,

Предсідатель Отд. Л. С. ч. 28.



[BACK]