Высова-Здрой, Wysowa-Zdroj
Павильон в Высові-Здрою, Wysowa-Zdroj Pavilion
Павильон в Высові-Здрою.

В солнечной котлині, окруженой вінцом лісистых гор, заложена на праві волоскім през родину шляхетску Гладышов с концом XV віка село Высова. Высова враз с Ганчовом становили за долгы часы одну парафию, в котрой ведля традиции мали давныма часами Армяне и Грекы великы склады вина з Угорщины. Остатны дві пивниці с того часу, на 300 бочок кажда, были недавно засыпаны. Властителями Высовы послі того были Брженци, Сембратовиче, Ланцкороньцы, Дембинці и Войцеховці. Остатно в 1850 року новый властитель Авраам Фейбер урядил в Высові скромне місце климатичне и здройове. За слідуючого властителя Ландава в 1890 року, Высова стала розбудувана и набрала правдивого характера здройовиска о пересічно солидно посіщению 2 тысячы особ рочно, котры приходили до Высовы лічитися. Подчас світовой войны заклад зрдойовый погоріл враз с купальнями и всіми прирядами. Дотыхчасовы властителі с браку капитала на отбудову закладу отпродали Высову-здрой лікарской спілкі с пок. Д-ром Крашевскым и Лакоцинскым во главі. Новы властителе, выбудували скромный заклад с купальнями и модерный павильон для питья вод согласно проекту Стриенского. В старом парку закладовом вытріскує с под землі сім благородных жерел, принадлежных за свой склад хемичный до трьох групп вод минеральных. Здрой “Соленый”, то щава алкалично-солено-содова, “Вацлав”, “Ванда”, “Кароль” и “Безименный”, як тоже и “Бронислав” належат до щав алкалично-желізистых; и наконец “Йозеф” єсть щавом алколично-простом, напоминающа своим смаком и складом химичным славный “Гейзшублер”. Росклад вод был доконаный через профессора Радзешевского, профессора Трохановского, и остаточно через профессора Мархлевского. Из взгляду на свой ріжнородный склад химичный высовскы воды находят широке примінение при лічению проводов отдыховых, проводов покормовых, злой переміны крови, нервиці и тому подобных. Здрой “Бронислав”, щава алкалично-сольно-желізисто-сірчана с огромным складом безводника угляного, трудно встрітити в цілой Польші сужитый остал до купалень минерально-газовых обок купалень боровиновых. Курующыся находят помешкання в кількох высовскых пенсионатах, а решта, вынаймує собі комнаты у містных лемков господаров. Население Высовы єсть в свойой переважности лемковске. Недалеко закладу здройового стоит греко-кат. деревляна церковь, выбудувана в 1777 року, на місци старой спаленой церкви за часов битв Конфедераков.

Розвой Высовы, яко здройовиска, встрічат великы трудности с поводу браку отповідной коммуникации с Горлицями, котры отдалены 36 километров, и з Грибовом 33 килом. Коммуникация тота отбыватся лем автомусами або запрягом конным.

Туристы мают ту случайность до устроювания прогульок вызначеныма стежками на околичны щиты горь и звиджанья поблизкых купелевых містностей в Чехословакии, як Бардиов, Цигелка, або на руины старинного замку в Зборові. Лагодны убочы горь окружающых кругом Высову, можут задоволити в зимі курсы нартярскы, котры находят схорону в туристично-нартярской станции заложеной через Т. К. Н. в закладі здройовом в Высові.

“Шематизм”, статистична рочна книга греко-католицкой администрации Лемковщины в Рыманові с 1936 року подає таку статистику населения села Высовы:

Найстаршый, на парохиальных актах опертый, вспомин про Высову и высовске приходство походит с дня 9 ІІІ. 1585 р., и звучит: “Нѣкій Симеонъ Звѣрхъ поповичъ Выссовскій, лишившися “неученымъ” по своим отци, спродалъ “ученому” Лукашови Часнкевичу изъ Святкови Великой “поповство Выссовске” се єсть всѣ тепеоѣшни грунта в Выссовой, за 250 зол. поль”. С той нотаткы слідує, што уже в 1585 р. было в Высові приходство и дійствувал священник.

Русска церковь в селі Высова, Russian Orthodox church in Wysowa-Zdroj
Русска церковь в селі Высова.

Послі грамоты, што переховуєся в громадском уряді в Высові, ділилося село на 12 ріль и на шолтыство, надане якомусь незнаного имени и назвиска в 1647 р. По смерти “высовского шолтыса” управляли высовскым шолтыством його 7 сынов. С отси то сей грунт, як принадлежный до семи братов, прозвано “Сембратовичівка”, а його власников, якы душпастырювали в Высові “Сембратовичами”. С них выводится знаный на Лемковщині род Сембратовичов, што то дал для русской церкви двох Митрополитов Йосифа и Сильвестра и много священников.

Высова была в давных часах осередком торговли вином, яку провадили православны Грекы, взглядно Вирмены, котры посідали ту свои склады и пивниці, из котрых дві, о поємности на 300 бочок заховалися до нашых часов.

Первісными, знаными власниками Высовы были до 1803 р. графы Лянцкореньскы; по них Уршуля Дембінска до 1813 р., Людвик Морштин до 1836 р., Дионизий и Йосиф Войціковский до 1866 р., Володислав Войціковский до 1868 р. Дня 7. X. 1868 р. закупили дворский простор Высова-Блихнарка обі місця громады.

В околицях Высовы отбылася битва с конфедераками, в 1777 р. спалили місцеву церковь.

В Высові, яко давном осідку деканального уряду, єсть дві скрині старых документов дек. урядования.

В Блихнарці, котра має грамоту про наданья шолтыства, истнувала колиси независима русска парохия, по котрой не лишилися ниякы ерекциопальны грунта.

Метрикы заведено в Высові от 1784 р.

Wysowa-ZdrojEnd

[BACK]