Sputnik, Модель спутника Земли, первый раз запущенного в небесне пространство русскыми учеными, дня 4-го октября 1957 року.

4-го октября 1957 року, на небесном горизонті показалася нова звізда, котра начала кружити довкола земной кулі с быстортом 18 тысяч миль на годину. Тоту звізду русскы учены назвали спутником, або штучным місяцом. До той даты 4-го октября 1957 року, земля мала лем одного свого спутника — небесного місячка, котрый кружит вокруг землі и разом с Земльом совершат путь вокруг солнця. Ріжниця меже Місяцом и штучным місяцом-спутником лем тота, што правдивый місяц был створеный всемогучом силом природы, подобно, як и наша Земля, а штучный місяц был створеный людскым розумом, и людскыми руками и запушеный в небесне пространьство для кружения вокруг Земли. Створили и выпустили в небесне пространство тот штучный місяц русскы учены, днешнього Советского Союза.

С выпуском в пространство небесне того русского спутника Земли, человічество вступило в нову междупланетну еру, а русский спутник єсть причином к тому, бо он первый открыл двер на тото безконечне пространство, и тым доказал, што фантазии народов світа и предсказания ученых пророков о полеті человіка на небесны планеты стали можливыми в недалекой будучности. В нашом периоді суть тоты люде, за котрых житья, поднюсся первый аероплан зо земли и с того часу наука так далеко сягла, што они запамятают полет человіка на другы планеты, если лем они будут можливы для такой высадкы. Ище лем десять літ тому, в школах учители объясняли ученикам, што достатися на Місяц, хоц бы летіл быстротом голосу, забере соткы роков, а штобы достатися до других планет, возме и миллион літ. Значит в такой дорогі, мусіли бы родитися тысячы поколиний, пока бы дошли до другой планеты. Теперь учены сміло говорят, што полет до Місяця и обратно, возме около одного тыждня. Учены говорят, што такы полеты настанут можливы через 8 літ. Можливо, што покля мы будеме читати сей календарь, такий полет вокруг Місяця и назад на Землю буде завершеный совітскыма ученыма, котры такы приготовления часто тримают в секреті до остатной минуты. Днеска не можна знати, што у них за пазухом. Правда, што на тых первых полетах не буде ище людей, бо найперше учены пошлют аппараты при помочы котрых они узнают всі подробниці о воздуху и температурі, ци человік може ступити на його поверхность, бели буде то доказано аппаратами, то слідуючими подорожными на Місяц будут звірята, Проба покаже, ци они повернут живими, або в яком стані здоровля. Єсли покажеся, же Місяц за мала планета для якого бы то не было житья на нем, тогды учены будут пробувати дальше и большы полеты на планету Марс, Венеру и другы.

Значит междупланетна доба уж есть ту. Дожили сме до тых дивных часов высокой техникы и науки, где стане можливом емиграция на тоты небесны звіздочкы, котрых видиме в чистый вечер розсыпаных по небі, а всі они напевно большы от нашой матери Земли. Як дивне, што роль открыти двері в тото пространство припала русскым ученым, што они исполнили то, што было до того часу фантазиом для человіка. Русскы учены из фантазии зробили реальность, из неможливого — можливе.

Довести человічество до еры в междупланетну коммуникацию учены планували уж давно. Коли русскы почали думати о покорению надземных, междуплантных пространьств, описує в свойой статьи бывший американский милитарный дорадник и автор ряда книг по аероматикі Мартин Кейдин, под заглавием “Совітскы учены мали чартеж на междупланетный корабль в 1903 р.” котра была напечатана в такой газеті консервативной и все протирусской як “Американ Журнал” с дня 12 октября 1957 р. Меже иншым он заявлят так:

“Русскы мают богату историчну минувшину в студиюванию полетов в пространство. Держава держала долге и безперерывне сообщение с вопросами о покорению воздушных пространств. Не так, як в Соединенных Штатах, русскы инженеры и учены працуючи на поли завоювання междупланетных полетов, были высоко уважаны от всіх своих коллегов ученых. Уважение к такым ученым в Соединенных Штатах пришло аж послідными часами. Совітска астронатична история сягат в таку далеку минувшость як 1895 рок, коли бриллиянтный русский математик К. Е. Цьолкрвский изложил перву совершенну матеметичну формулу для полетов в пространьство. В послідовных статьях печатаных в 1903 року, 54 рокы тому, — Цьолковский розвернул наброскы и планы на междуплантный корабль посиленый химичным опалом ракеты.

Аккуратность його роботы была знаменито точна. Большынство його теорий и указаний выдержали в полні пробу часу. С полном и окончательном справедливостьом он есть уважаный русскыми, яко отец полетов пространства”.

То говорит авторитетный американец. Он иде дальше со своими доводами, котры операт на точных данных. Нам было интересно лем то, што он говорит о самых початках, котры поставили днеска русскых ученых на самый перед. То уж легко днеска видіти не оден русскый штучный місяц на небі, не штука уж днеска видіти штучны и удосконалены місяці другых наций на небі, но то была не абы яка робота и штука, послати первый штучный місяц в пространство.

Секрет и головна трудность посылкы штучного місяця або корабля уж не так полігат в побудові самого корабля або штучного місяця, котрых можна заладувати всякыма аппаратами и потом держати с ними контакт на земли. В часі днешной розвитой, механизации всяка краина може то приготовити. Найтруднійша справа тут, запустити штучный місяц або корабль в понадземне пространьство свободне от земной тягы. То была тота штука, где русскы учены побідили.

Два місяці перед запуском в довколаземне кружение штучного місяця, из Совітского Союза передали відомость, што там успішно была проведена проба с баллистичном междуконтинентальном ракетом. Памятаме, як тота новость была принята с насмішком. Нова пропаганда, говорили люде и писали газеты. “Русскым ище далеко мати баллистичну ракету, котром бы можна стріляти с Европы в Америку, або с Америкы в яку нибудь часть Земной кули. Они ище до того не доросли.”

В день выпуску штучного місяця в небо совітскыми учеными, Нью Йоркска газета “Геральд Трибюн” заявила, што то уж есть доказано правдом, што русскы мают таку баллистичну ракету, котру не лем можна посылати в яку угодно часть земной кули, но можна высаджати штучны місяці и корабли в пространство.

Постройка баллистичной ракеты заключатся в том, што она складатся из пару частей. Єй выстрілюют прямо в гору. Запалена силом нижнья часть ракеты, коли выгорит автоматично отпадат, а в тот час загорюєся друга часть ракеты. Коли тота часть выгорит, знов автоматично отладит, а роботу на себе принимат слідуюча часть ракеты. При высадкі штучного місяця миссия послідньой ракеты при окончанию свойой роботы єсть кинути штучный місяц в бок, штобы го пустити в кружение довкола земли при чом надати му желане направление и призначену быстроту. А то не абы яка штука. Той штукы можут довершиты лем найвысшы розумы, якых можна вышколити для той роботы. И русскы того досягли.

Американскы учены тоже мали пробы в том самом 1957 року с двома баллистичными ракетами, и по оба разы неудачны. Всі можливы способы, або недорахуваны або перерахуванні. Маючы теперь многы информаций о русской баллистичной ракеті, американскым и другых держав ученым, удатся в близком будущом дойти до того успіха, який досягли русскы.

Коли пишеме тоту информацию в наш Карпаторусский Календарь Лемко-Союза, новость о першом штучном місяцю, спутнику Земли, єсть свіжа. Спутник 180 павнов вагы, уж третий тыждень літат довкола земли с быстротом 18 тысяч миль в годину, на высоті 560 миль понад Землю и облітує ей каждых 96.1 минут. За ним слідят всі научны институции вокруг земной кулі. Суть містности, где його видят голым оком. Он летит. По радио получают його сигналы. Он скріпит, мурчит, свице. Быти може, што то суть сигналы. Сели так, то их розуміют лем русскы учены, бо они ключ до розвязания сигналов никому не дали. В Кембриджском обсерваториум, в штаті Массечусет слідили за ним с великым телескопом, фотографували го. Передают, што разом с ним в группі летит остатнья часть ракеты и шапка, котром штучный місяц был накрытий при його выпуску, абы охороняти го от тертья воздуха. Так они освобождены от земной тягы, там видно и остали, и теперь ніт другой рады, лем и им кружити, як и всім тілам небесным.

Што дальше буде, як далеко зайде прогресс с ракетами, с штучными місяцями и кораблями, будеме видіти в том 1958 року. Напевно будут громадны посунения, но мы мусиме научитися привыкати к тому, бо дождали сме ся той междупланетной еры, котра напевно змінит житья и отношения меже народами.



[BACK]