50-Літный Юбилей Супружества Лукача и Марии Розум, Luke and Mary Rozum
Лукач и Мария Розум зо своми сынами и дочками.

Несподівана гостина по случаю 50-рочного юбилею супружества Лукача и Марии Розум, была устроена у нас в Ватербери, Конн., дня 16 июня с. р. Приготовком того юбилею занядися их власны діти, под проводом сына Теодора. Лукач Розум родом зо села Радоцина, горлицкого повіта на Лемковині, а Мария из села Ялинкы, Шарифской столицы. Лукач Розумі служыл в австрийской армии 3 рокы, в рангі капраля. По выслужению войска познакомился из Мариом Бубен и в 1907 поженилися в старом краю и того самого року пришол до Америкы и працувал при столярстві, но теперь на 76 року житья уже жиє на пенсии. В Америкі прожил 50 літ, мают красну фамилию: 6 сынов и 3 дочкы. Всі дочкы и 4 сынов женты. Сын Юрко жиє в Ансонии, Андрей в Бикин Фалл, а Петро, Павло, Дмитро, Теодор, Мария, Анна, Ольга всі жиют в Ватерберах, Конн.

Юбилейна забава отбылася в Русском Народном Домі на 39 Кравн стрит, при участи 350 людей. Была родина и гості. Сын Теодор самотный, привитал своих родичов и пожелал им всього доброго. Так само привитал гостей и сказал, же му дуже весело, же ся так громадко гості зышли. Он попросил, абы всі разом выпили тост за здоровля його родичов, што было выполнено величаво и торжественно.

На гостині было всього подостатком и всі были задоволены. Юбилянты были обдаруваны дорогоцінныма подарунками, за котры они всім сердечно дякуют.

Лукач Розум єсть добрым членом Лемко-Союза и предплатником газеты “Карпатска Русь”. Николи не отказуєся пожертствовати на добру ціль свойой организации и свого народа, с котрого вышол. Так мы всі жичиме юбилянтам счастья и здоровья и доброго поводжынья, абы жили на многая літа.



RozumEnd
[BACK]