Встріча Нового Года — Стефан Ткач, Stefan Takatch
Уж нам загостил Новый Год,
Мусиме го привитати,
Мирно и в згоді весь народ
Рукы сой подати.

Всьо, што старе — поскладати
И помолитися Богу,
До торбы старому дати
И выслати в дорогу.

Най пропадут всі невзгоды
И мирно жиют народы.
Бо Божий закон так записаиый:
Кто дуже грішит — буде караный.

Так и нам, братья треба то знати,
Же вічно жити не будеме
И своим братьям помагати.
Бо зо собом не возмеме.

Встрічайте, братья, сей Новый Год
И соединяйте свой народ!
Зато память по вас зостане свята
И вічна народна заплата.

Як Новый Год світом оберне —
Никто не може знати.
Но старый уж не поверне —
Мусиме новый привитати.

Книгу старый свою заперат,
Жалобно в слезах на ню позерат,
Же не всьо так записано —
Як в святом письмі сказано

Желаю вам всім в счастью прожити
Во благобыті Нового Года,
Штобы мы и нашы діти
Стали впереді свого народа.

Стефан Ткач,
Кливланд, Огайо.


[BACK]