19-Ый Лемковский С'ізд-Конгресс

Наша культурно-просвітительна организация Лемковский Союз, минувшого 1957 року отбыла 19-тый Головный Съізд своих делегатов. Великы и малы народы, котры мают свои державы, а управляются демократичным принципом, тоже мают свои съізды выбранных народом представителей, так званы свои конгрессы. Но понеже у них много державно-господарчих справ, то их такы съізды-конгрессы засідают цілыма місяцями або сезонами. Они, тоты съізды-конгрессы, суть властивыми господарями державы. Они установляют, додают, поправляют и міняют права, они надают напрям политикы свойой державі. Их уряд, их правительство, то испольнительна сила, котра лем проводит в житья то, што ухвалит и припоручит йому съізд-конгресс. Мы не маме державы лем организацию, то и съізды делегатскы нашой организации скликуются лем на пару дней. Всьо што представители народа рішат в тых пару днях. Головне Правление Лемко-Союза, при помочи Центрального Комитета, урядников округов и отділов и членов организации стараются выполнити за тот протяг чусу, який им остался меже съіздами.

19thDelegates

Оден из тых съіздов нашой организации отбылся в осени мунувшого року. Не был он инший от всіх другых попередных съіздов, за вынятком того, же по причині смерти долголітного руководителя той организации и редактора ей органа газеты “Карпатска Русь” Д-ра С. С Пьща, звернули на него особливу увагу так свои члены, як весь наш и много чужого народа. Всім было ясно, што по первый раз съізд ом будут руководити сами делегаты, звычайны представители отділов, меже котрыми суть и такы, котры навет часто не суть урядниками отділов в своих місцевостях. Для всіх стало дивно и перед всіми стояла загадка: як они справятся с тым съіздом.

Anna Yeosock, Anna Lusak, Анна Ющак

Тота загадка теперь уж розвязана и всім выявлена, бо съізд отбылся и треба признати правду, с несподіванно добрым успіхом, а под даякыми взглядами, як приміром по числу делегатов, по их ориентации, а што найважнійше, по самых рішеннях, он буде зачисленый до найуспішнійшых съіздов, якы мала наша организация Лемко-Союз.

Мушено при том вспомнути, што не лем членов и читателей охватило чувство, што помер редактор, померла и газета, а с газетой помре и организация, але навет многы делегаты ишли на съізд с опущеными руками и слабом надійом на успіх. Многы делегаты даже сами не сознавали сколько моральной силы и розознания находится в самых них. А тота сила нашла ся у них, бо они порозуміли, што каждый из них должен взяти настолько больше обязанности на себе, насколько уважат, што в тот критичный час єсть потребным взяти. Уж ту редактор за никого не говорил, не боронил ничыи хибы, а каждый говорил сам за себе, што он зробил и выполнил из припорученой му роботы.

Joseph Fritzky, Joseph Fritzke, Йосиф Фрицкий

А треба признати, што и наша организация послі 25-літного существования не тота, што была в своих початках, бо она уж теперь складатся из пару частей, так бы повісти департментов, и каждый такий департмент має свой комитет, котрый проводит в житья його отдільну программу и отповідат за ню. Так што и на том съізді выявилося больше выразно, як на попередных съіздах, што Головному Правлению подлігают три отдільны части, котры творят одну цілость Лемко-Союза. Тыми головными складовыми частями єсть Издательство, Комитет институции Лемковского Парка и Комитет Лемковского Релифа для справ и помочы нашым братьям в краю. Программа Лемко-Союза своим уставом покрыват діятельность всіх тых трьох частей, бо то єсть фундамент Лемко-Союза, положеный при його основанию. Тоты роботы вести, то єсть його головна программа, котру Лемко-Союз николи не откидувал, а постоянно проводил в свойой діятельности, и котру одобряли всі попередны Лемковскы Головны Съізды от самого початку.

Vasili Warholyak, Василий Вархоляк

Успіх съізда заключался в принятых ним рішеннях. Но рішення лем в тот час будут мати значение, коли нам удастся их завершити ділом и роботом, так рядовыми членами, як и избранными ло той роботы Zakari Merena, Zakari Mirena, Захарий Меренаурядниками и комитетами. Пониже приводиме головнійшы рішення, приняты тым 19-тым Головным Съіздом Лемко-Союза, за завершение котрых мы будеме працувати.


НАШЕ ИЗДАТЕЛЬСТВО

Наша организация Лемко-Союз выпускат два периодичны издания. Каждый тыждень издає свою газету “Карпатску Русь”, а каждый рок без перервы издає настольный календарь-книжку. В початках, коли у нас были два редакторы, организация, кромі тых двох периодичных изданий выдавала ище час до часу даяку театральну штуку для нашой лемковской сцены, то співанник, то даяку другу поучку книжечку. Теперь уж за дольший час такого издания у нас не удалося вы пустити.

Nikolai Cislak, Николай Цисляк

Наш съізд судил над справом нашой печати и издательства народной литературы и рішил продолжати издательство в том самом направлению, як и до часу съізда. Но кромі того на Съізді был сильный натиск многых делегатов за издательство поважного сборника Лемковскых Народных Співанок, котрого чуєся брак и спрос меже народом. Съізд уступил под тым натиском и припоручил, єсли лем возможность позволит, собрати материал от многых нашых лемковскых любителей народного творчества, што мают собрано, соберают або будут соберати, злучити разом и издати такий сборник лемковскых співанок, котрый мож бы легко розпродати и с гордостьом передати пару сто штук в америкакскы библиотекы.


Stefan Kichura, Стефан Кичура

Было тоже принято под увагу издание трудов пок. Дра. Пыжа. Под трудами Д-ра Пыжа делегаты розуміли всі редакторскы статьи, котры были поміщаны от початков в газеті “Лемко”, а потом “Карпатской Руси”, включно и перву його статью, поміщенну в газеті “Правда” п. загл. “Лемкы Просыпаются”, в котрой он привітствовал организование первого отділа Лемко-Союза в Виннипегу, Канада, 1929 року, где он широко пояснил значение такой организации и призвал лемковску емиграцию поддержати программу родившойся организации и будувати єй на свою народну пользу. Такым изданием наша организация обогатіла бы лемковску литературу до высокой степени, бо наука на народны, организацийны, политичны и философичны темы реально выкладена в редакторскых статьях Д-ром Пыжом, уважатся не лем лемками, або приятелями, но и противниками його, найлучшыми творами в славянской литературі на емиграции.

Maria Kanyuk, Maria Kanyok, Maria Kanyak, Мария Канюк

Такых материалов, собраных за 25 літ його роботы в Лемко-Союзі, хватит на 5 книг, выше 500 сторон кажда. Ци удастся выполнити тоты рішення нашых делегатов без зачерпания додаточных сил в редакцию, трудно ище теперь предвидіти. Но рішение нашых делегатов єсть сміле и само по собі являтся серьозным ділом, котре на всякий случай не должно заумерти, бо творы Дра. Пыжа, то єсть тот фундамент, на котром буде строитися будуще нашого народа.


ПОМОЧЬ РОДНОМУ КРАЮ

Под родным крайом мы привыкли розуміти не лем территорию Лемковины там в Карпатах по одной и другой стороні польско-чехословацкой границі Лемковщину и Пряшевщину, но тоже и народ, котрый в нем жиє, и котрый был добровольно або насильно выселеный в другы части Европы. Так само и в помочі родному краю розумієме всіх их, бо знаме, што наш народ нигде не получил справедливости. Єсли нашому народу уліпшили дагде материально, то на кошт його народного и культурно притіснения. Всім родинне счастье было одобране, як не в одной, то в другой формі.

При Лемко-Союзі єсть для той роботы свой, десять літ тому организованый Лемко Релиф Комитет. Тот Комитет при Лемко-Союзі был организованый зараз, по окончению другой світовой войны для быстрого несения помочы знищеному войном краю. Ціль того комитета была — собрати 5 миллионов долларов. В тоты часы тоту программу было бы барз легко провести, бо лемкы в Америкі были радостны побідом над фашизмом, с великым ентузиазмом были готовы выполнити тоту программу. Но зараз по войні показалося, што нова Польска держава не была дозріла планово завести господарство, лем переселила наш народ на Запад, а посланы на Лемковщину пару сто осадников за протяг десят літ знищили Лемковщину до непознания. Лемкам в Совітском Союзі за часов Сталина не лем не мож было помочы, но даже написати письмо утіхы до своих родных не было дозволено. В Чехословакии, где материально наш народ ище найлучше обстал, знов його культурне житья передали в рукы украинскым националистам, котры отчужили народ от свойой культуры и он массово начал писатися словаками и переходити в католицтво.

Petro Hardy, Peter Hardy, Петро Гардый

Тоты условия не позволили навет розвитися діятельности Лемковского Релифа и он приостановил свою роботу зараз на початку. Теперь наступили иншы часы, бо в Европі порозуміли, што американска помочь потребна, што они догосподарилися свойом мудротом до бідноты. Так теперь настал час, што мож оказати нашому народу помочь, котрый найбольше потребує, а то єсть Лемковщина и єй насильно выселеный народ. Он потребує быстрого ратунку. Теперішня программа Лемковского Релифа єсть собрати найбольше жертв от поєдинчых жертвователей, от нашых организаций и специальных на тоту ціль предприятий, оден миллион долларов. Из той суммы буде проводится в житья планомірна программа для помочы и отбудовы родного краю.

Робота в том напрямі уж начата. Комитет Релифа навязал уж близкы сношения с Польскым правительством, выробил программу, котра была принята враз с меморандумом о повороті нашого народа в родны стороны. Коли то пишеме, Предсідатель Петро Гардый находится в Польші, где он вылетіл 18 октября, штобы там переговорити план повороту нашого народа до Карпат с Польскым Правительством, завязати Лемко Релиф Комитет в Польші из селян и старшой и молодшой интеллигенции. Будучность далыной роботы во многом буде теперь зависіти от успіха його миссии, як она йому удастся завершыти.

Предсідатель Лемко Релифа Петро Гардый здал долгий и всесторонно приготовленый доклад делегатам Съізда. Уж за тот, короткий час, отколи Комитет обновил свою роботу, было, зроблено много в том напрямі, а послі Съізда было сділано ище больше, бо делегация Лемко-Релиф Комитета успішно передала меморандум и додаток, складаючийся из программы помочы, через польского представителя в Вашингтоні. Кромі того Лемковский Съізд от себе выслал свою резолюцию Президенту Польской Народной Республикы Владыславу Гомулка, котром были отворены двери для далыной діятельности Лемко-Релиф Комитета. Резолюция 19-го Головного Съізда гласила так;


Р Е З О Л Ю Ц И Я

19-ГО ГОЛОВНОГО СЪІЗДА ЛЕМКО-СОЮЗА, СОСТОЯВШОГОСЯ В ГОРОДІ ЮНКЕРС, Н. Й. В ДНЯХ 31 АВГУСТА, 1 И 2 СЕНТЯБРЯ 1957 РОКУ, ЗВЕРТАЄСЯ ДО ПОЧТЕННОГО ГОСПОДИНА ВЛАДИСЛАВА ГОМУЛКИ, ПРЕЗИДЕНТА ПОЛЬСКОЙ НАРОДНОЙ РЕСПУБЛИКИ В ВАРШАВІ

Мы, делегаты отділов Лемко-Союза в Соєдиненных Штатах и Канаді, собравшися на свой 19 Головный Съізд, послі обсуждения положения нашого лемковского народа, живущого в преділах Польской Народной Республикы, єдинодушно рішили звернутися к Вам, высокопочтенный Г-н В. Гомулка, и Вашому Правительству по ділу нашых родных, несправедливо выселенных в 1947 року из своих прадідных земель Лемковщины и переселеных на Запад польской державы, и просити уряд Польского Правительства розглянути його обстоятельства, як можна в найблисшом часі. Мы желаєме звернути увагу Польского Правительства на слідующе:

1) В виду того, што нашы родны сестры и братья переживают уже десятый рок на примусовом выселению в непривычных условиях, а часто в трудных до них отношениях, позбавлены радости и природного им права розвития своих отцовскых традиций, культуры, школы и церкви, мы просиме Польске Правительство дати полне розрішение вернутися всім тым родинам, котры там в Карпатах оставили свои домы и свои господарства, и котры лем покажут желание вернутися обратно в свои родны стороны.

2) Штобы на місцях повороту дати помочь отбудувати знищены, не по вині нашого народа домы, и господаркы настолько, штобы вернувшыся родины заобеспечити бодай якыми початками до дальшой розбудовы и розвития своих господарок.

3) Штобы в початковых школах діти лемковскых родителей, кромі польского державного преподавания языка, мали можность тоже учитися на материнском лемковском языку и грамоті.

4) Позволити лемковской емиграции на американском континенті, в Соєдиненных Штатах и Канаді, нести материальну помочь своим родным посредством Лемковского Релифового Комитета, котрый существує в Америкі, для быстрійшого поднятия господарства, знищенного войном и десятьлітным опустошением за час выселения.

5) Из нашой стороны, скоро Народне Правительство Польшы одобрит нашы предложения, Лемковский Релифовый Комитет приступит до несения организованной помочи всіми можливыми средствами, як тоже Лемко-Соіюз через свою печать буде призывати всю 200 тысячну лемковску емиграцию Соєдиненных Штатов и Канады нести материальну помочь свому народу на Лемковщині. Тота помочь причинится не лем до поднятия добробыта лемковского населения, но ровночастно и Польской Народной Республикы вцілом.

Мы увірены, што то єсть єдиный и правильный путь выкорыстати еитузиазм до отбудовы знищеных господарств и до несения помочы из-за границы, а тоже путь до взаимного порозуміння и згоды народов, котрых судьба вяже разом, и для розвития новой господаркы.

———————————————

Єсли тота программа буде принята, через рок або два, туристичны группы нашых лемков емигрантов враз с своими дітьми будут мати можность выізжати в родный край, при чом будут получати всякы облегчения для такой подорожы, так с формальностями, як и финансово, єсли будут тото проводити через Лемко-Релиф Комитет, котрый буде мати привилегию голоса и діятельности в такых ділах.


ЛЕМКО ПАРК

Лем рок с половином тому, як планы покупкы Лемковского Парка были совсім смінены, реорганизованы и поставлены на американский бизнесовый план, бо из добровольных жертв и членекых взносов Комитет Ам. Лемковского Парка перемінил и поставил покупку такой фармы-парка на шерах. Ище на никотром попередньом съізді Л. С. мы не были так близко к покупкі той Лемковской институции, як на послідньом, бо показалося, што не лем же Комитет многому научился о вартостях такых маєтков, но и сумма собрана на шеры, перевысшила всі суммы, якы Комитет Лемко Парку не мал на руках до сего часу.

Стефан Копей, Stefan Kopaj

На найблисшом рочном собранию Лемко-Парка, котре отбылося послі Съізда Л. С. в Юнкере 6-го октября, на котром было представлено 375 голосов, члены рішили дальше и больше енергично добыта больше фондов, шобы тоту институцию, где находили бы свой отпочинок и розвеселение стары и молоды и их фамилии в часі праздников и вакаций, покупити єй. Лемко-Парк буде служити не лем той ціли.

Антон Каня, Anton Kanya

При нем будут объєдинятися и нашы молоды, при чом нам буде о много лекше проводити всяке народне начинание и дальше укріпление нашой народной организации, бо днеска каждый тот, кто ма маєток, має и уважение, каждый считатся с ним. Всі члены стоят крепко дальше за покупку такого Лемко-Парка, бо розуміют, што он єсть нашом пекущом народном потребом. Його активный Комитет не уронит из своих рук тоту справу, пока не завершит єй успішно.


———————————————

Єсли взяти под увагу тоту ріжницю в съізді, што каждый отдільный комитет призначеный до отйльных справ нашой организаций показал высліды свойой активности с приличным результатам мушено признати, што он был больше в роді народного конгрессу, чым делегатскым съіздом минувшых часов.

Мы будеме працувати упорно за тым, штобы всі великы и малы рішення минувшого Съізда Л. С. выполнити, як найточнійше можна, штобы добитися добрых результатов, бо розумієме всі, што наша діятельность, нашы труды, выйдут на добро и на счастье нашого лемковского народа. Быти може, што в тых слідуючых двох роках, до будущого Съізда, нам удастся провести в житье всі найголовнійшы проблемы и ціли Лемко-Союза в высокой мірі, а віру до того подає нам успішне завершение 19-го Головного Съізда нашой народной культурно-просветительной, економичной и политичной организации.



[BACK]