Майнерска Пісня —
Серед Америкы, серед Америкы,
Ей шахта выкопана, —
Працуют в ней хлбпці, працуют в ней хлопці
С вечера до рана.

Як прийдут до дому, як прийдут до дому,
Ей так сой пригваряют —
Ой пойдме мы хлопці, ой пойдме мы хлопці
До старого краю.

Бо у старом краю, бо у старом краю,
Ей так люде думают,
Же у Америці, же у Америці
Дармо грошы дают.

А у Америці, а у Америці
Ей мус тяжко робити,
Понад сімсот сягів, понад сімсот сягів
Ей під земльов ходити.

Під земльов ходити, під земльов ходити,
Ей попід чорны скалы,
Лізти на колінах, лізти на колінах,
Ей як хробачок малый.

Тилько мі милый Бог, тилько мі милый Бог
Ей тилько мі позволит,
Же мі на главичкі, же мі на главичкі
Ей мало світло горит.

А бас при мні стоит, а бас при мні стоит,
Ей так злобно говорит:
“Ладуй, унгар, кары, ладуй, унгар, кары,
Бо тя нич не болит.”

Не болят мя ручкы, не болят мя ручкы,
Ей ани ножкы мои.
Лем мя тото болит, лем мя тото болит,
Ей же ты при мні стоишь.

Бо я сын газдівский, бо я сын газдівский
Ей с великого краю,
Я привык робити, я привык робити
Ей без тебе, шовгаю.


На весілю подслухал
Белоглав (Шелтон, Конн.)



[BACK]