Поздравление
С каждым роком наш Календарь
Вам, краяне, засыламе,
В Америкі, в старом краю, —
Всяди счастья всім желаме.

Нашы люде россіяны
Днесь широко в ділом світі,
И не можут ся встрічати
Ани в зимі ани в літі.

Ци русаля, ци кермешы,
Мы лем собі вспоминаме,
Бо всі разом всенародно
Мы их больше не справляме.

Но надія не выгасат,
И не може выгаснути,
Што страчене тото счастье
Дастся ище навернути.

Бо не тратят нашы лемкы
Народного свого духа:
Видно всяди — живы люде.
Не урвана голуз суха.

И приходят быстро зміны
Меже всіми народами,
Правды свойой всі требуют:
Як вы нам, так буде с вами.

За то и мы с Новым Роком
Зміны ждеме и направы, —
Най настанут в родном краю
Свои свята величавы.

В то віриме, того ждеме
Може ище сего года,
Най засвітит нове солнце,
Най осушит жаль народа.



[BACK]