Думка Вдовы — 'Читателька-Вдова'
Кобы ты знал, товаришу,
Як то смутно жити,
Пришол бы ты хоц раз в році
Мене навістити.
Ніт ся кому поскаржити,
Ни с кым говорити,
Лем так самой без никого
На том світі жити.
Идут смутно дни, годины,
Долгы як бы рокы,
Без розрады, без потіхы,
Бо мы одинокы.
Каждый вдовец, а и вдова,
О том вшиткы знают,
Же без пары аж и пташкы
Смутне житъя мают.
Але треба подумати,
С тым ся погодити,
Бо то уж ся не верне,
Лем так треба жити.
Хоц бы мы их и кликали,
То с могилы бы не встали.
За то шкода споминати
Шкода того и чекати,
Лем ся треба рыхтувати,
То підеме ку ним спати.

Читателька-вдова.



[BACK]