Коротка История Житья — Йосиф Жачок

Йосиф Жачок в Клифтон, Н. Дж., дожил до такого віку, што по закону о социальном обеспечении має право на пенсию. Историю свого житья в старом краю и тут в Америкі он написал коротко в пару параграфах.

1. Йосиф Т. Жачок родился 9-го августа 1889 року в селі Легнаві на Пряшевщині.

2. Мал єм б місяцев, як отец помер.

3. Мал єм 3 рокы, — уж мі дали курочкы пасти, жебы сорока не украла.

4. Мал єм 4 рокы, — гускы казали пасти с братом за два рокы.

5. Мал єм 7 літ, то уж сам пас гускы.

6. Як мі было 10 літ, дали мі плуг до рук орати землю.

7. Як мі было 12 літ, дали мі косу косити траву.

8. Як мі было 19 літ, приіхал єм до Америкы — до міста Джонставн, Па. Прожил 3 місяцы без роботы. Плакал, як мала дітина. Достал єм роботу на Виндбер, Па., переробил 5 місяцев там, потом 8 місяцев в Портедж, Па.

9. В 1910 р. поіхал до Пассейку, Н. Дж., и оженился в 1911 року с Анном Гатала, рожденном в Пеннсильвании.

Выховали мы 8 дітей — 4-х сынов и 4 донькы.

Як Гувер стал Президентом, то с ним пришла и депрессия. Роботы не было, а тут треба было ховати 10-ро людей. Не было от кого помочы просити. Уйко Сем не интересовался тым, же у нас суть малы діти. Аж при Рузвельті начали релиф давати и роботы отворяти.

10. Як пришла 2-га світова война, уйко Сем зараз довідался, же у нас суть діти, и забрал 4-х сынов на войну. Но нашы сынове пережили счастливо войну и вернулись цілы и здоровы домой.

11. В 1955 року мы с женом справляли 44-у рочницу нашого супружеского житья, и ту мате нашу фамелийну фотографию.


Sejchak
Йосиф и Анна Жачок празднуют 44-рочницу свого супружеского житья, 28 января 1955 р., в родинном кругу с 4 доньками и зятьями, 3 сынами и невістами и их дітьми.



[BACK]