Лемковске Весіля в Польші — Даниил Найдух
Лемковске Весіля в Польші
Лемковске Весіля в Польші

Моя сестра и швагер, Наста и Максим Прибыла, отдавали дівку Марину за Николая Тылявского. В 1947 року они были выселены из Боднаркы, Горлицкого повіта, на западны земли Польшы, то весіля справляли на Западі — в селі Бренник, пов. Легнава, воєв. Вроцлав.

На той фотографии видно, што весіля отбылось цілком по народному обычаю, як то робили и дома, в свойом селі Боднаркі. Дружбове суть под перами (косицями), дружкы мают вінкы на головах, лем убраны по новому — не гунькы мают, а “суты”, як и мы в Америкі носиме.

Я тут подам имена, як мні в письмі описали. Стоят (с правой стороны наліво): Александр от Розділянкы и його жена, Похоровского Параскы сына сын (дружба), Анна Найдух — дружка, Николай Тылявский — молодый, Марина Прибыла — молода, Драган Марина — дружка, Клапачового Онуфрия сын — дружба, зо Ширанівкы Андрусьового сына дівка Юстина — дружка и Широньового Илька сын — дружба.

А што сидят, то (справа наліво) : Розділянчин Михаил, Драганового Андрея дівка Параска, Быркового Илька сын Петро и Гавового Николая сын Василь.


Даниил Найдух,
Нью Йорк, Н. Й.



[BACK]