Орябина на Спишу — И. И. Киндя
Jarabina1
ОРЯБИНА НА СПИШУ: Женский хор из Орябины выступят на торжестві Первого Мая 1955 года в Старой Любовні.

Орябино, Орябино,
Каждый ся чудує,
Як на твоих нивах, полях
Социализм ся будує.
Орют поле уж лем тракторами,
Не як орали дідове
Деревяными плугами.
Всі разом в дружстві прадуют,
В селі культуру будуют.
Бабы, хлопы на фестиваль
До Межилаборда ся готуют.
Орябино, Орябино,
Каждый ся чудує,
Же уж давно в Орябині
Кино, електрика працує.
Суть и такы, што роботу гамуют,
Другы социализм любят, милуют.
Суть и такы, што ся пишут словаками,
Хоц их дідове, няньове
Были руснаками.
Най ся пишут, як знают,
Лем най своє тримают,
Мы пойдеме до Лаборца,
Най ся всі чудуют,
Як Орябинцы культуру будуют.
Нашы дідове
По дротаркі ходили,
Свого ся не ганьбили,
Але их сынове
На то нич не дают,
Лем своих дідов, няньов,
Их мене продают.
За тысячу роков
Нашых дідов мучили,
Але свою русскость
Они и так хранили.
Наше правительство каждому говорит,
Же у нас теперь єсть свобода
Родный язык уживати
И культуру свою власну розвивати.
Наша компартия
Дуже ся радує,
Же каждый гражданин
Свою национальность
Цінит и милує.
Нашых дідов, отцов
Мадьяре силили,
Штобы по-мадьярски
Уж всі говорили.
Наша Чехословакия,
Новы ма законы,
Всім наука отворена,
А не стары забобоны.
Один другого — миловати.
Никого не убивати,
Не треба бомбы на народ робити
Лем на землі всім в мирі жити.

И. И. Киндя.

Jarabina2
ОРЯБИНА НА СПИШУ: Орябинский хор и танцорский кружок, котры выступали с великим успіхом на торжестві Первого Мая в Старой Любовні и на фестивалі в Межилаборці 5 июня 1955 года.



[BACK]