Народна Співанка
В зеленой убочи
Дівчатко лен мочит,
Милый ся му призерат,
Ци ма чорны очы.
Кебы такы очы
В крамах продавали,
То бы си дівчата
Хлопцям купували.
И я бы купила
Свому миленькому,
То бы-м го познала,
Як піде додому,
Ще бы-м му купила
Перстеник на палец,
Штоб ся му миготал,
Як піде на танец.
Ще бы-м му купила
Хусточку до носа,
Штобы ся вытерал,
Выйде на не роса.
Ще бы-м му купила
Скірни с острожками,
Штобы ся подперал,
Як піде горами.
Ще бы-м му купила
Перко с розмарии,
Жебы-м го познала
В цілой компании.



Поточе, поточе,
Што в тобі клекоче,
Ци зимна водичка,
Ци шумна Ганичка?
Як зимна водичка,
Піду ся купати;
Як шумна Ганичка,
Буду єй любити.
Любуй же мя, любуй,
И я тебе буду,
Хоц кажду неділю
За тя бита буду.



[BACK]