Драматичный Кружок при Л.С. в Юнкерс — И. Малютич

Отділ Л.С. в г. Юнкерс, Н. Й. был основаный в 1932 року. Перед тым было прочитано у нас несколько лекций Д. Вислоцкым, д-ром С. Пыжом и Антоном Цисляком, што створило благоприятны условия для начала организацийной роботы. При основании отділа потрудились найбольше Петро Данюсяр и Тимофей Шост. При помощи другых краянов они за короткий час записали до Лемко-Союза около 110 членов.

Первый организацийный митинг был скликаный 22 февраля 1932 року, на котром был выбраный отділовый уряд. До уряду были выбраны слідующы: предсідатель Иван Малютич, заст. предс. Николай Вашенко, кассир Владимир Гончарик, секретарь Григорий Лукачин, заст. секретаря Теодор Глюз, контролеры Даниил Дурняк и Николай Бреня, организаторы Григорий Шкурат и Йосиф Ковальчик.

Наш отділ Л.С. ч. 28 розвивал дост живу народну роботу. Мы мали русску школу при Л.С. Тот труд не пропал даром, бо хлопці и дівчата, котры училися в нашой школі, не забыли и теперь того. Они уж повырастали, многы поженилися и повыходили замуж, но и теперь берут русску газету и можут почитати.

Так само мы мали при нашом отділі школу танцев. И то не пропало даром, бо ученикы той школы выступали потом на многых нашых предприятиях. А некотры лишили нас, но с том науком, яку достали у нас, они выступали при церквах и даже учили там дітей танцам.

От самого початку при нашом отділі дійствовал драматичный кружок. За тоты 23 рокы нашы аматоры отограли около 75 представлений. Они грали тоты представления не тилько про свой отділ, но также про Головне Правление Л.С., про наш Карпаторусский Центр, про Первый Округ Л.С. и даже про церковь. Нашы аматоры выступали не тилько у себе дома, в Юнкерс, но и по другых плейзах.


YonkTheat1
Члены драм-кружка при отд. Л С. ч. 28, котры выступали в представлении “Охотникы” на сцені Карпаторусского Центра в Юнкерс 16 мая 1954

В минувшом 1954 году нашы аматоры при отділі Л.С. ч. 28 отограли два представления: 16 мая они дали представление “Охотникы” на предприятии Головного Правления Л.С. на закончение кампании Пресс-Фонда, а 3 октября — представление “Просвітители Народа” на окружном предприятии Первого Округа Л.С. Оба тоты предприятия отбылись в нашом Карпаторусском Центрі и прошли с великым успіхом. Так нашым аматорам належится велика признательность за их труд.


YonkTheat2
Участникы представления “На чужом весілю”.

При нашом отділі был организованый и хор, то отділ из свойой кассы платил учителям. Была даже школа музыкы, и с того остались некотры хлопці музыкантами.

Всьо то не давалось легко, бо робота была звалена на якы два десяткы больше активных членов. Так и теперь мы не стоиме зле, што може посвідчити тот факт, же и в прошлом году нашы аматоры потрафили поставити два дуже успішны представления. Правда, с членами мы кус упали, и с молодежом также, бо то пришли теперь тоты страхы, и некотры ся боят. Молодежь страшили найбольше нашы духовникы и редакторы запомоговых газет, але в тот самый час пошкодили и своим организациям, бо отстрашили молодых людей и от церкви, и от нашых запомоговых организаций, и от русской народности взагалі. Кто тут найбольше провинился, я не знаю, но знаю такы факты: коли молодого спытаются ныні, до якой церкви належит, то отвічат так, же належит до “Ортрдокс Грик Католик Чорч”. Так отвічат, хоц он належит до русской православной церкви. Значит, же слово “русский” уж выгнали из него.

Коли поглянеме на другы народности, то видиме, што у них молоде поколінне не стыдатся так свойой народности и свого происхождения, як у нас. У німцев, у итальянцев выростают тут уж третье и четверте поколіния, але они не стыдаются свого имени. В минувшой войні німцы били нашых американскых хлопцев, такы грубы звірства робили, але тут американскы німцы не отказалися за то от свого имени, як нашы ся отказуют. А русскы не били американцев, ани не будут бити — того я певный, но и так для многых русский все не добрый, Даже тогды для многых русский был недобрый, коли Россия и Америка тримали союз.

Так и нашу молодежь в великой массі отвернули теперь от русскости, то ніт великого дива, же и нас полишало много молодых. Но суть у нас и такы молоды, котры не стыдаются свойой народности и свого имени. Тоты остались при нашой организации и помагают нам в культурной роботі.


И. Малютич.



[BACK]