Мария и Павел Телех

Мария и Павел Телех, Мария и Павел Телех
Мария и Павел Телех.

Мария и Павел Телех тоже завершили свое 50-літие супружества и радуются добрым здоровьем. Павел Телех из Лосья, Горлицкого повіта, родился 28 февраля 1876 року. Мария Телех, из роду Сима, из села Воловец, того самого повіту, родилася 19 декабря 1886 року.

Павел Телех прибыл до Америкы в 1901 року, а Мария рок перше, в 1900 року. Перша містность их жительства была в Вик-Гевен и Гейзел Крик в майнерской околиці Чарлерой, коло Питтсбургу, в штаті Пеннсильвания, где Павел працувал в майнах 13 літ. Мария працувала по всякых роботах, в якых лем затруднялися женщины тых часов, но найчастнійше по готелях. Они позналися обое и в 1902 року повінчалися в Чарлерою. Их вінчал прот. Коханик.

До Кливланду переселилися в 1917 року, где Павел получил роботу на Балтимор енд Огайо желізной дорогі. Послі трьох літ получил запаленье легкых и удалился от компаницкых робот.

Павел и Мария Телехы выховали четверо дітей. Найстаршый сын Иван єсть властителем газолин-станции, при Бакай Рд. Ист. Анна отдана за Григория Кацян, котрого родиче тоже из Воловця, а он сам єсть наборщиком банковых нотов в Нортфильд, О. Мария отдана за Спирьор и живе в Ричмонд, Калифорния, а наймолодший Евгений самотный ище при родичах. В часі войны служил в армии, а теперь має дуже деликатну роботу драфтмека — рисує чартежи (“блюпринтс”).

Телехы так само связали свою судьбу с Лемко-Союзом и от початков до днеска помагают в ділі свого клуба и свого отділа. Мария Телех много літ занимала уряд предсідателькы в містном отділі и другы передовы уряды. Она часто бывала выберана на нашы Лемковскы съізды делегатком, бо знала о каждой роботі в отділі, то могла то делегатам россказати и дати добрый пример. Телехам отділы Лемко-Союза устроили гостину в их честь 19 сентября 1954 року, на котром был переданый им красный подарунок, як выраз любви и почтения.

Их золоте весіля было уложеке на старокрайовый лад, с дружбами, дружками и старостом. Дружкы были в вінцох, а дружбове с трускавками за капелюхом и сокирками в руках. Староста их привітствовал в дверях, а дружбове крестили сокирками двери, послі чого маршом были впроваджень за стол. Телехам, яко вірным и активным членам Л.С., были высказаны многими членами найлучшы пожелания на нове 50-літие.


Николай Цисляк.



[BACK]