Село Ріпкы на Лемковщині — Иван Малютич

Село Ріпкы, Горлицкого повіта, на Лемковщині, росположене меже трьома высокими горами, котры носили такы названия: Гродок, Жджар и Лацкова.

RipkyOverview
Вид на село Ріпкы — в сторону Біличной. (Снимок 1929 року).

Лацкова — долга гора, начинатся десь от старой угорской границы, от Блихнаркы, и так тягнеся коло Высовы, Ріпок, Чертіжного и дальше, а с другой стороны идут Циголка (по чехословацкой стороні), потом Білична, Избы. На самой той горі был панский ліс, — назывался Дебря, — котрый Ріпчане откупили от якогось польского шляхтича ище в 1853 року, и потом то належало до громады.

Так Ріпкы посбылись пана. Позже за тым приміром пошло и село Ганчова, где также откупили великы лісы от дідича, и так само посбылись пана. А в другых селах, як Циголка, Избы, оставались панскы лісы.

В Біличной не было што брати, бо лісов не было, то што паны зробили? В 1906 року наговорили громаді, што вода им псує поля, подмыват берегы, так один “добрый” пан сказал: “Я вам воду сформую, што буде течи своим корытом и не буде подмывати вашы поля, лем най громада даст мі позволение на то.” Громада пристала и дала позволение панови. Было зроблено, як пан говорил, але всі піскы пан забрал, засадил лозином и на том грошы потом робил. Котрого газды курка або гуска зайшла до лозин, то мусіл платити кару.

В самый тот час польскым панам было жаль и тых лісов як в Ганчові, так и в Ріпках, што громада откупила, то думали, як бы до них зас присвататися. Приходило зо староства, штобы то “гаити” — значит, не пускати худобу до громадскых лісов, а в 1900 року прислали панове сажінкы, жебы садити малы деревця на полянах помеже ліс. То были самы шквиркы. В Ріпках был товды війтом Кондрат Дубянский, то он повіл так: “Будеме садити так, штобы ани одна не росла.” Так и я садил. Але так ся стало, як війт дорадил: ани один шквирк ся не принял и не рос.

А в Ганчові дали тоты сажінкы до одного газды до пивницы, за котру знали, што як сніг таял, то єй все водом заливало. И так ся стало. Сніг таял, и сажінкы, присланны панами, зальяло водом, бо коли сажінкы прислали, то у нас ище был сніг.

Так в Ганчові панскы сажінкы вода зальяла, а в Ріпках узнали панове, же за зимно, то не будут рости.


GreekCatholic
Русска гр. кат. церковь в Ріпках

Церковь в Ріпках была выставлена около 320 літ тому назад и перше, як в Ганчові. В Ріпках было втовды около 23 газдов, як церковь ставали, то пришли им на помоч Ганчовяне и Высовяне. В Ріпках мали священника, но долго в Ріпках не был, бо не было на чом жити, так позже, як выставили церковь в Ганчові, священник забрался из Ріпок до Ганчовы и служил на дві парафии. Так оставалось аж до нашых часов.

Ріпкы были незаіздным селом — не было доброй дорогы до него. Но не отставало позаду от другых большых сел. Як собі добре взяти до головы, то видиме, же таке мале и незаіздне село мало свою индустрию и вырабляло на місци майже всьо потребне им до житья. Мали оліярню, где спущали олій с лену. Мали фолюш, што сукно били. Мали водный млин, што зерно молол — и хоц не все, бо лем товды, як была злива, або сніг таял, и назбералось воды. Мали дві кузьни, што робили ковальску роботу. Мали своих музыкантов. Мали своих тесляров-будовничых, знали робити млинкы до чищенья зерна — знам, што в одну зиму Григорий Каня зробил около 20 млинков. Мали и своих ткачов, кравцов и т. д. Одным словом, ціла индустрия была в таком мало селі.

Но школы не мали, тилько так газдове сами учили в зимовы місяцы. Якийсь час учил Даниил Федорчак — звали там “до писаря”, бо он был писарьом на цілы тамты околицы. И тоже учил за час Василий Дошна, котрый был тоже дьяком в Ріпках. Учила и моя мати за 8 літ — Улька Малютич, а также Тевдосий Блащак.


Gradeschool
Будинок народной школы в Ріпках, построенный при помощи
односельчан-емигрантов в США.


В 1930 року мы тут в Америкі пошли по своих односельчанах по коллекті на школу для родного села. Помогли тоже Ганчовяне в Юнкерсі и Бруклині. Собрали сме $350.00. Обором занимались Захарий Федорчак, Афтан Дубянский и Иван Малютич. Так при той поддержкі односельчан из Америкы школа была выставлена, и уж в часах панской Польшы правительство дало учительку. Но ни стара Австрия ни панска Польша не выставили бы николи школы в Ріпках.

Поміщаме тут и фотографию той школы в Ріпках, яка была выставлена при помощи нашых односельчан в Америкі.


Memorial
При освящении креста-памятника на могилі Гавриила Малютича
на кладбищі в с. Ріпках, сооруженного сыном И. Малютичом.


Як в другых селах, так и в нашом люде ся множили, а земли не прибывало, то мусіли сме емигровати в чужину, а найбольше до Америкы. Тут подаю список людей, котры из Ріпок выіхали в США и Канаду, и тоже тых, котры послі другой світовой войны переселились, в Россию.


В США ВЫІХАЛИ

1. Григорий Федорчак (звали “до Барылы”).
2. Захарий Федорчак.
3. Каня Антон, Анна и Стефан
4. Дубянский, Иван, Йосиф Стефан, Мария, Анна, Мелька, Текля и Анастасия.
5. Дубянский Филипп.
6. Михлевич Йосиф и Иван.
7. Дубянский Афтан и Анна.
8. Сокол Юлианна и Максим.
9. Фуціь Анна.
10. Павлишак Николай, Стефания и Мина.
11. Желяска Дмитрий и Иван.
12. Вилнер Теодосия, Андрей и Ольга.
13. Дошна Стефан и Йосиф.
14. Лешкин Никифор.
15. Федорчак Крестина.
16. Креницкий Максим, Илья и Сандор.
17. Федорчак Юстина, Меляния и Даниил.
18. Мациевска Евдокия.
19. Федорчак Дорка.
20. Малютич Анна, Йосиф и Стефан.
21. Малютич Василь, Иван и Антонина.
22. Юстин Текля, Юстина, Дорка, Теодосий, Мария и Евдокия.
23. Мамрош Данько, Симеон, Мария и Анна.
24. Блащак Йосиф и Григорий.
25. Блащак Антон.
26. Демай Анна и Иван, Микуляк Сервесий.
27. Федорчак Параска, Максим, Теодор и Косцьо.
28. Мамрош Филимон и Иван.
29. Дошна Юлиан, Таца и Евдокия.
30. Жовнірчик Гилярий.
31. Цикот
32. Федорчак Тофий.
33. Свист Иван и Анна.
34. Федорчак Матвей, Асафат, Меляния и Евдокия.
35. Сокол Арсений, Анна и Параска.
36. Каня Томко, Иван и Антон.
37. Горбаль Акилия и Параска.
38. Василенко Йосиф, Кузьма и Анна.
39. Канн Анастасия.
40. Сокол Авдей, Иван и Анна.
41. Мамрош Иван, Даниил и Стефан.
42. Дошна Мария, Йосиф и Корнелий.

(Всего 100 особ).

В КАНАДУ ВЫІХАЛИ

Желяска Петро.
Крецицка Меляния и Параска.
Шептак Меляния.
Мамрош Анастасия и Федорчак Павлина.

В СОВІТСКИЙ СОЮЗ ПЕРЕСЕЛИЛИСЬ СЛІДУЮЩЫ ФАМЕЛИИ:

1. Федорчак,
2. Дубянский,
3. Дубянский,
4. Михлевич,
5. Сокол,
6. Фуць,
7. Павлиншак,
8. Желяска,
9. Вилнер,
10. Дошна,
11. Лешкин (Креницкий),
12. Федорчак,
13. Креницкий,
14. Федорчак (писарь),
15. Малютич,
16. Каня,
17. Юстин,
18. Мамрош,
19. Блащак,
20. Блащак,
21. Демай,
22. Федорчак,
23. Жовнирчик,
24. Федорчак,
25. Свист,
26. Каня,
27. Горбаль,
28. Василенько,
29. Дуркот,
30. Федорчак,
31. Шептак,
32. Дубянский,
33. Дошна,
34. Креницкий,
35. Мамрош,
36. Сокол,
37. Мамрош (Мацей),
38. Вислоцкий.

Так я тут подал не полну историю, лем несколько фактов и фотографий, котры можут послужити материалом к истории мого родного села. Вірю, што и тот короткий очерк буде интересно прочитати моим односельчанам, котры давно оставили родне село.


Иван Малютич,
Юнкерс, Н. Й.



[BACK]