В Гостях у Бывшого Канадца на Закарпатью — Н. Харин

В село Имстичево, Иршавского района, мы приіхали перед вечером. Село роскинулось мальовничо у подножья отрогов Карпатскых гор. Колхозникы и колхозницы вертались уже с полей и животноводчых фарм в свои хаты. Матери заходили в дітский сад и заберали домой своих дітей. А в центрі села, около будинку клуба, группками собиралась молодежь. Переодівшись послі трудового дня, юнакы и дівчата спішили в клуб, штобы посмотріти новый художный фильм. Тут же кого клуба собирались и старикы. Они курили пипкы, ожидаючи начала представления, и бесідовали меже собом.

— А може вы были бы добры сказати, где тут живе Петро Добра? — спросили мы, одного из колхозников.

— О вы к нему? — сказал селянин и предложил проводити нас к його хаті.


Imstychovo
В селі Имстичево, Иршавского района, Закарпатской области:
Петро Добра (сліва) и предсідатель колхоза имени Мичурина Михаил Фанта при недоконченном ище новом домі бывшого канадца Петра Добры.


За хвильку мы уж сиділи в хаті Петра Добра. Поки його жена Юлия готовила вечерю на кухні, он по нашой просьбі стал росповідати нам о собі, о свойом житью в Канаді и Соєдиненных Штатах, где он прожил всего 20 літ. Вот, яка у него история:

— Я уже старый человік. Молодость и здоровье оставил в чужых краях. А треба было іхати в чужину, штобы заробити мало грошей, купити землю, поставити нову хату и вести господарку. Но ничого я не заробил в чужых краях, бо постоянной роботы не можна было там найти. И аж страшно подумати, што я бы робил, єсли бы у нас в Закарпатью были до теперь стары порядкы — просто мотуз на шею! Але теперь настало инше житье. Теперь всьо народне. Я вступил в колхоз и працую теперь в лісоводчой бригаді. Робота для мене не тяжка, а в хаті — достаток. Заощадил грошы и на новый дом. Правда, в том помог мі и сын Василько, котрый окончил техничну школу в Коломыі и теперь працує на желізной дорогі. И для него пришло счастье аж при новой власти, як и для мене. То нова власть дала йому школу, специальность и добру роботу.

Россказавши так свою историю, Петро Добра запросил нас осмотріти його газдовство. Найперше показал нам свой новый дом, будова котрого уж близка к завершению. Потом провел нас по обширному саду. Там черешни, сливы, яблони, грушы, грецкы оріхы, а даже и маленький виноградник єсть на його землі. Дальше на огороді всяка ярина.

— Всьо то лем таке мое побочне господарство, — стал поясняти нам Петро Добра, — бо головне жерело мого дохода составляє робота в колхозі. Мы с женом працуєме в колхозі, то на свои трудодни достаєме от колхоза пшеницу, жито, кукурузу, картофель, грошы. Всего у нас теперь подостатком.

Так Петро Добра начал нам росповідати и за колхоз. Колхоз имени Мичурина в селі Имстичево был основаный в декабрі 1948 року. Он объєдинил 523 господарства. Но на початках не было ни вспольного, колхозного скота, ни колхозных будинков. Але колхоз получил кредиты от державы и так закупил для вспольного, общественного господарства коней, коров, свиней, овец. Так само побудовали колхозны животноводчы фармы, склады, столярню и кузьню. В 1954 року в колхозі уж мали 400 голов крупного рогатого скота, 220 свиней, понад 1,000 овец и 160 коней. Колхоз розвел также сады и виноградникы. За то доходы колхоза увеличуются с. каждым роком. Рочный доход колхоза дошол уж близко до миллиона рублей. А то значит, што повышаются натуральны и грошевы доходы отдільных членов колхоза. Цілковито змінился весь облик села. В Имстичеві єсть школа, где учится теперь 320 дітей, єсть клуб, библиотека с фондом в 6,000 книг, два медицинскы пункты, родильный дом, дітский сад.

Росповівши то эсьо о змінах в родном селі. Петро Добра продолжал: “Ой, якбы так приіхали сейчас домой мои односельчане из-за океана, то направду они не узнали бы свого села Имстичева, ни Білок, ни Иршавы. Памятатся мі, як Василь Завадяк (он все ище в Канаді живе) и я ходили в дітстві купатися в горной річкі Боржаві. Но най бы теперь мои краяне посмотріли на тоту річку — сейчас она обертат турбину. В селі Білкы світится уже електрика. Правда, в нашом селі ніт ище електрикы, но на другий рок обязательно буде. Теперь на Боржаві иде будова межколхозной електростанции, котра буде давати електрику цілому ряду сел, в том числі и нашому.”

Мы так розговорились, што и забыли, як час летит. Але из кухни роздался голос жены Юлии: — Петро, запрашай гостей до стола, бо вечеря готова.

А при вечері мы продолжали нашу бесіду. Петро Добра росповідал дальше за старе и нове житье. Хотя много из того, што он говорил, мы чули и по иншых селах, но мы слухали його с великы заинтересованием, бо он говорил так сердечно о тых знаных нам ділах, што и сам от того розгрівался и волновался.

— О великы, великы переміны пришли в нашы села за совітской власти, — говорил он. — Та ци мог давнійше дакто из нашых сел на Иршавщині учитися в гимназии? Ніт, не мог! А теперь соткы нашых хлопцев и дівчат учатся в средних школах, техникумах; институтах, университетах. Але то не лем молоды учатся, бо учатся и дорослы, даже старикы. Сейчас в нашом селі ніт неграмотных. Старшы люде, котры ище пять-шесть літ тому назад не уміли подписати свое имя, теперь ходят в библиотеку и читают книгы. Вот и моя Юлия учится на агротехничных курсах.

Он трохи затримался, закурил пипку и дальше говорил:

— А якы урожаи теперь собирают в Имстичеві! Давнійше о такых урожаях никто ани не чул. 20 центнеров пшеницы с одного гектара — ци то было можливе? Но для нас то тилько початок. Скоро будеме собирати ище высшы урожаи, бо то люде наберают наукы. Машины МТС, передова агротехника и наша охота працувати все лучше сділают свое діло.

Добра росповідал и о том, як росне село Имстичево, як в нем будуются все ковы домы. За послідны рокы выбудовано поверх 50 новых домов, и теперь селянеколхозникы будуют уже не маленькы темны хаткы, а великы, многокомнатны и світлы домы.

Принесли на стол и бутылку с вином. Добра объяснил, што вино было приготовлено из их колхозного винограда. Поднявши погар с вином на здоровье, он замітил:

— Выпити, конечно, то не гріх, лем треба знати міру. Давнійше пили так, што остатний цент пропивали. На таке пьянство аж неприємно было дивитися, бо душа боліла. А теперь молодежь иде не в корчму, а в клуб, в библиотеку. А чому того перше не было? Тому, што перед народом была закрыта дорога до наукы. А теперь нашы діти счастливы, бо перед ними открыта дорога к знаниям, к наукі. Они можут выбрати собі, яку лем хотят профессию, специальность и роботу.

Прощаючись с нами. Петро Добра ище сказал:

— Добре жити на родной землі, коли она своя народна.


Н. Харин.



[BACK]