Народны Співанкы
Высока ліщина,
Мала я дівчина:
Не можу достати,
Орішка урвати.

А кто мі го урве,
То він мене возме.
А кто го роскусит,
То мя взяти мусит.



Не ходь до нас, Янку.
Бо я двери замкну,
Прийд до нас, Андрию.
Дам ти розмарию —
Буде біла и червена,
Буду ти, мой милый,
Дуже вірна жена.



Фраирку шумну мам,
Кошулю брудну мам:
Кто мі єй выпере,
Кедь не мам матери?

Фраиречко моя,
Знашь ся любовати,
А брудну кошелю
Ты не знашь выпрати.



Дуже, моя мила,
Велика-с циганка.
Казал-с мі придти,
А єс двери замкла.

За то-м двери замкла.
Бо я добра дівка,
Жебы-с мя не збавил
Зеленого вінка.



Де-с ты, моя мила,
Вчера в вечер была,
Я пришол ку тобі,
Ты дома не была?

Я была на танци,
Тебе єм чекала,
А тебе не было, —
С другыми-м гуляла.




[BACK]