Величина Земли

Наша Земля має форму еллипсоида и єсть сплющена на обох полюсах, як округле яблоко. Если бы хотіли наложити обруч на землю по середині, на екваторі, то длина обруча была бы 24,902 мили, но поперечный обруч через полюсы был бы на 42 мили коротший — лем 24,860 миль.

Так на аероплані при скорости 500 миль на годину можна облетіти вокруг земли за 50 годин.

А вся поверхность Земли разом с океанами и морями составляє 196,950,284 квадратных миль, в том на океаны и открыты моря припадат 139,405,199 квадратных миль, а на суху землю, включаючи и внутренны моря и озера, остаєся лем 57,545,085 квадратных миль. Если взяти под увагу, што одна квадратна миля має 640 акров, то можна вычислити и то, скилько акров єсть на цілой поверхности нашой Земли.

Суха поверхность Земли розділена на континенты, або части світа:

Азия (с островами) 17,000,000 кв. миль.
Америка 15,100,000 (в том Сіверна Америка 8,300,000 и Южна Америка 6,800,000 кв. миль).
Африка 11,500,000 кв. миль.
Европа 3,750,000 кв. миль.
Океания (островы меже Азиом и Америком) 4,000,000 кв. миль.
Антарктика (Южный Полюс) 6,000,000 кв. миль.



[BACK]