Нове Чудо
Легко собі представити,
Яке чудо бы то было,
Што бы люде говорили,
Як бы по лісах медведи
С фузиями си ходили.

Теперь легко полювати,
Ци панови ци хлопови,
До медведей всі стріляют,
Бо мы на них с фузиями,
Они лем пазуры мают.

Для нас добре то выходит,
И любиме ту систему,
Не хочеме єй міняти,
И мы горды, же медведи
Нам не можут доровнати.

И западным дипломатам
Легко было мудрувати
С отсталыми народами, —
Доки они нич не знали,
То мы были все панами.

Но змінилось все на світі,
И отсталы перше люде
Теперь оружие мают,
Не можеме их страшити,
Бо и они уж стріляют.



[BACK]