Лемкы в Америкі — 'Вапеннян'
В нашой околиці ище-б дост лемков навербувал,
Як бы пришол добрый пастырь,
То бы добру церковь с них выбудувал.
С лемков мож зробити
Велику святыню,
Они любят дати
Всяку милостыню.
Они памятают,
Як отцове в краю робили,
Што йегомосцьови
Когуты носили
И хліба білого
Горы навалили,
Што йегомосцьовы слугове
Поросята хлібом кормили,
А их діти голодны плакали
И босы по тернині скакали.
А организации ниякой не мали,
То их бандеровцы,
Ди-Пи скитальцы
На піскы выгнали.
И мы в Америкі
Богато гроша наскладали
Великы святыни
И общества збудували.
И якбы так лемкы
Днеска отступили,
То бы ся общества
И тоты святыни
Зараз розвалили.
Бо лемкы там и так
Ничого не мают,
Тилько свои грошы
Задармо давают.
Так краяне-лемкы,
Вы ся спамятайте,
До Лемко-Союза враз
Вшиткы приступайте.
В свойой околиці
Народны лемковскы домы закладайте
И своим потомкам в світі помагайте.
В котрой околиці
Двадцет лемков жиє,
Там мож Народный дом поставити
И прогресс робити.
Отжен тоту сволочь,
Што тебе дурила
И твою кешеню
Гет выпорожнила.
Если, лемку, будешь
Мудро газдувати,
То и своим розумом
Можешь ся до неба достати.

ВАПЕННЯН.



[BACK]