Информацийна Часть

АМЕРИКАШЖЫ ЛЕГАЛЬНЫ СВЯТА

Религийны свята установляє церковна власть. А легальны свята суть тоты, котры установила державна власть.

В Соєдиненных Штатах ніт загальных, “национальных”, державных свят, бо Президент и Конгресс назначают свята лем для федерального округа Вашингтона (Дистрикт ов Колумбия) и для федеральных урядов по цілой краині. А позатым каждый штат установляє собі легальны свята, якы хоче праздновати.

1. Кажда неділя (воскресенье) празднуєся всяди як религийне и легальне свято.

2. Рождество и Новый Год праздунуются во всіх штатах.

3. 12-го февраля — день рождения Президента Линкольна празднуєся майже во всіх сіверных штатах.

4. 22 февраля — день рождения первого Президента США Вашингтона празднуєся во всіх штатах, за вынятком Айдаго.

5. Велика Пятница принята за церковне свято в католицкых и протестантскых краинах. Притом тот день признаєся державным святом в цілом ряді штатов, или губернаторы в специальных прокламациях объявляют го святочным.

6. 30-го мая — “Мемориал” или “Декорейшен Дей”, день украшения могил войнов, погибшых в Гражданской войні меже южными и сіверными штатами, праздновался давнійше переважно в сіверных штатах, но теперь становится все больше поминальным праздником за войнов, погибшых во всіх войнах США.

7. 4-го июля — День Независимости США празднуєся во всіх штатах.

8. День Труда, “Лейбор Дей” — в первый понедільник місяца сентября, празднуєся во всіх штатах.

9. 12-го октября — День Колумба, итальянского мореплавателя, открывшого Америку, празднуєся в 40 штатах. В гдекотрых штатах тот праздник называют Днем открытия Америкы, Днем Братства або Днем высадкы.

10. День генеральных выборов — в первый вторник послі первого понедільника в ноябрі місяці.

11. 11-го ноября — День Перемирия (в первой світовой войні) празднуєся во всіх штатах.

12. День Благодарения, “Тенксгивинг Дей” — в послідный четверг місяца ноября, празднуєся во всіх штатах.

Кромі вышеназванных праздников, отдільны штаты мают свои легальны свята. Напримір, южны штаты празднуют 19 января День Роберта Ли, головного командира Южной Конфедерации в Гражданской войні. В штаті Кентоки празднуют 30 января День Франклина Рузвельта. Штаты Алабама, Мизури, Оклагома и Вирджиния празднуют День рождения Томаса Джефферсона — 13 апріля.

Так само были .установлены разны, торжественны дни, котры не признаются загально легальными праздниками: День насаждения дерев, День вооруженных сил — третья суббота мая. День ражданства — третья неділя мая (“Ай ем Америкен Дей”). День Конституции — 17 сентября, День Матерей — 2-га неділя мая, День Дочерей — 2-га неділя июня. День Отцов — третья неділя июня, День Флага -— 14-го июня (легальный праздник в Пеннсильвании), День предков — 21-го декабря, Панамерикен Дей — 14 апріля, День Объєдиненных Наций — 24 октября и т. д.


ПРЕЗИДЕНТЫ США

1. Джордж Вашингтон, 1789-1797
2. Джон Адамс, 1797-1801
3. Томас Джефферсон, 1801-1809
4. Джеймс Мадисон, 1809-1817
5. Джеймс Монро, 1817-1825
6. Джон Квинси Адамс, 1825-1829
7. Андру Джексон, 1829-1837
8. Мартин Ван Бурен, 1837-1841
9. Вильям Г. Гаррисон, 1841-1841
10. Джон Тайлер, 1841-1845
11. Джеймс Нокс Полк, 1845-1849
12. Закари Тейлор, 1849-1850
13. Миллард Филлмор, 1850-1853
14. Франклин Пирс, 1853-1857
15. Джеймс Буханан, 1857-1861
16. Ейбрагам Линкольн, 1861-1865
17. Андру Джонсон, 1865-1869
18. Улиссес С. Грант, 1869-1877
19. Рутефорд Р. Гейс, 1877-1881
20. Джеймс Гарфильд, 1881-1881
21. Честер Артур, 1881-1885
22. Гровер Кливланд, 1885-1889
23. Бенджамин Гаррисон, 1889-1893
24. Гровер Кливланд, 1893-1897
25. Вильям Мекинли, 1897-1901
26. Теодор Рузвельт, 1901-1909
27. Вильям Тафт, 1909-1913
28. Вудроу Вильсон, 1913-1921
29. Воррен Гардинг, 1921-1923
30. Калвин Кулидж, 1923-1929
31. Герберт Гувер, 1929-1933
32. Франклин Д. Рузвельт, 1933-1945
33. Гарри С. Труман, 1945-1953
34. Двайт Айзенгауер, 1953-

Як видиме, Гровер Кливланд рахуєся 22-ым и 24-ым Президентом США, бо меже його первым и другым урядованьем была перерва. Но гдекотры не хотят триматися того порядку и рахуют го лем раз, же то єсть одна и тота сама особа, так им выходит, што Гровер Кливланд был 22-ым Президентом США, а нынішный Президент Двайт Айзенгауер єсть не 34-ым, лем 33-ьим.

Найстаршым в роках при вступлении в президентский уряд был Президент Вильям Г. Гаррисон, бо йому было 68 літ. О пару місяцев послі принятия президентского уряду он помер, так от того часу при выборі кандидатов на уряд Президента звертают увагу, штобы он не был в преклонном віку. Сам Джордж Вашингтон, первый Президент, мал 57 літ, коли принял урядованье. Наймолодшым Президентом был Теодор Рузвельт, котрый при вступлении в урядованье мал лем 42 рокы.


ТЕРРИТОРИАЛЬНЫЙ РОСТ СОЄДИНЕННЫХ ШТАТОВ

Территория 13 початковых американскых штатов, котры послі освобождения от английской зависимости объєдинились в Союз Соєдиненных Штатов Америкы, составляла в 1790 року 892,135 квадратных миль.

То были слідуючы штаты: Нью Гемпшир, Массачусеттс, Род Айленд, Коннектикот, Нью Йорк, Нью Джерзи, Пеннсильвания, Делевер, Мериленд, Вирджиния, Сіверна Каролайна, Южна Каролайна и Джорджия.

Сегодня территория тых 13 штатов єсть далеко меньша, бо из них и их посілостей на западі, незаселенных ище білыми колонистами, были выділены потом новы штаты, а именно: Мейн, Вермонт, Кентоки, Зап. Вирджиния, Теннесси, Миссиссиппи, Алабама, Огайо, Индиана, Иллинойсу Мичиген, Висконсин и часть Миннесоты. Початкова территория США ростягалась с сівера на юг от Канады аж до границ Флориды (но сама Флорида не была включена в тоту территорию) и с востока на запад от Атлантического океана до рікы Миссиссиппии, за вынятком юго-восточной части Луизианы, котра належала до Франции.


ПОКУПКА ЛУИЗИАНЫ

Первый прирост початковой территории США относится к 1803 року. При Президенті Джефферсоні американске правительство купило от Франции громадну территорию в западных притоках рікы Миссиссиппи, простиравшуся от Канады до Мексиканского залива. На той территории возникли потом такы штаты: Луизиана, Арканзо, Оклагома, Канзас, Мизури, Небраска, Айова, Южна Дакота, Сіверна Дакота, Монтана, больша часть Миннесоты и части Колорадо и Вайоминг.

Президент Джефферсон купил тоту огромну территорию за 60 Миллионов франков (11 миллионов и 250 тысяч долларов), а также принял гдеякы французскы обязательства, котры коштували потом Америку 3 миллионы и 750 тысяч долларов. Тоты суммы не были выплачены зараз, то разом с наросшыми процентами всі кошта покупкы Луизианы составили 27,267,622 доллары. Если бы розділил тоту территорию на акры, то вышло бы, што Америка набыла всю территорию по 4 центы за один акр.

Нова территория, купленна от Франции занимала обшар в 827,987 квадратных миль, то-єсть близко стилько, як и початкова территория США в 1790 року. Так в результаті покупкы Луизианы территория США была увеличена майже вдвое.


ПОКУПКА ФЛОРИДЫ

В 1819 року США откупили Флориду от Испании. Ниякой Грошевой уплаты Испания не получила, но американске правительство приняло на себе уплату приватных долгов Испании американскым гражданам в суммі 5 миллионов долларов. В договорі с Испаниом США получили ище, окрем Флориды, другы части территории, всего поверх 72 тысяч квадратных миль.


АННЕКСИЯ ТЕКСАСА

В 1845 року был присоєдиненый к США Тексас. За тоту территорию США, вели войну с Мексиком. Война была закончена мирным договором в 1848 року, в котром США получили от Мексикы ище больше территории. В договорі не было сказано ясно, што было уступлено, то американске правительство згодилося купити спорну часть территории. Так в той войні и в договорах с Мексиком США получили территорию республикы Тексас, 389,166 кв. миль, и другы части мексиканской территории, включаючи и Калифорнию, обшаром в 529,189 кв. мил, всего разом поверх 900 тысяч квадратных миль, то значит больше, як была початкова территория США.

Из тых территорий, отнятых от Мексикы, были сформованы штаты Тексас, Нью Мексико, Аризона, Калифорния, Невада, Юта и часть Колорадо и Вайоминг.


ТЕРРИТОРИЯ ОРЕГОНА

В договорі с Великобританиом в 1846 року была опреділена граница меже Канадом и территориом Орегона. Из той территории, обшаром в 286,541 кв. миль, были сформованы штаты Орегон, Вашингтон, Айдаго и части Монтаны и Вайоминг.


ПОКУПКА АЛЯСКЫ

30 марта 1867 року США заключили с Россиом договор, котрым купили от России Аляску. За тоту территорию, обшаром в 586,400 кв. миль, Америка уплатила царскому правительству 7 миллионов и 200 тысяч долларов золотом.

Церемония переданы территории отбылась в Ситкі 18 октября 1867 року.


ТЕРРИТОРИАЛЬНЫ ПРИОБРІТЕНИЯ
В ИСПАНСКОЙ ВОЙНІ

В побідоносной войні с Испаниом 1898 року США набыли и купили ряд территориальных посілостей, а именно Порто Рико, Гуам и Филиппинскы островы. Испания уступила всі свои права до тых островов за 20 миллионов долларов.


ГАВАЙСКЫ ОСТРОВЫ

Гавайскы островы были присоєдинены к США в 1898 року. Америка не уплатила ничого за тоту территорию, лем приняла на себе державный долг той территории в суммі 4 миллионов долларов.


ЗОНА ПАНАМСКОГО КАНАЛА

Договором с республиком Панамы от 26 февраля 1904 року США получили зону Панамского канала, за котру уплатили 10 миллионов долларов и згодилися платити 250 тысяч долларов рочно. В 1936 року тота рочна плата была увеличена до 430 тысяч долларов.

Так США контролюют зону по обох сторонах Панамского канала обшаром в 549 кв. миль.


ДАТСКЫ ЗАПАДНЫ ИНДИИ

В 1917 року США откупили от Дании за 25 миллионов долларов три островы в Караибском морі, к востоку от Порто Рико, котры были присоєдинены к США под назвом Дівичых островов (Верджин Айленс). Обшар тых островов єсть лем 133 кв. мили и в том часі числили 32 тысячы населения. Так Дания вытягла от Америкы дост высоку сумму, єсли взяти под увагу, што территория Луизианы была куплена за 11 миллионов, а Аляска за 7 миллионов.

Так вся территория США занимат ныні обшар в 3,754,260 кв. миль. В тот обшар не включены островы, якы США получили или получат от Японии в результаті минувшой світовой войны.




[BACK]