Співанкы

НА ТАНЦУ

Шугай:

Подь ту, мила, танцувати,
Будеме ся догваряти:
Ци ты любишь мене,
Ци підешь за мене?
То кедь любишь мене,
Буду ся женити;
А кедь мя не любишь,
Шкода говорити.

Дівчина:

Та я тобі, шугай,
Давно повідала,
Же я собі тебе
За мужа выбрала.


ДІВЧИНА СПІВАТ

У родных Карпатах
Дівчата співают,
Старшы люде
Так думают,
Же органы грают.
А то не органы
Такий голос мают,
Лем дівчата в родных селах
Так шумно співают.


Shepherd

СИВА ЗОЗУЛЕНЬКА

Сива зозуленько,
Де будешь кукала,
Кедь єс на бученьку
Вершок поламала?
Я буду кукала
На зеленой сосні,
Покаль мі на бучку
Вершок не выросне.
А як он выросне,
Буду там сідала,
Та из того бучка
Заз буду кукала.

—————●—————


[BACK]