Новый Год Приходит
Не жаль нам старого року,
Што нас теперь покидає,
Як и злого діда не жаль,
Коли в муках он конає.

Не спокойный, а бурливый
Висіл, як грозова туча,
И в тревогі люде ждали:
Нова война неминуча.

Правда, вина то не його,
Але уж так всі мы знаме,
Наробиме собі біды,
Но на злый день нарікаме.

Сами люде завинили,
Бо о войні все толкуют,
А не здусят спекулянтов,
Котры войны провокуют.

Все за бомбы нам говорят,
И рахуют самолеты,
И до сердца чужых краин
Наставляют уж ракеты.

Теперь новый год приходит.
Мы радостно го витаме,
Но што он принесе світу.
Того ище мы не знаме.

Може и несподіванку?
Може такий отвіт дати,
Штоб не могли люде вину
Йому нияк приписати.

И то може ище выйти
Отвіт такий епохальный:
“Як хочете, то воюйте,
Я остаюсь уж нейтральный”.



[BACK]