PassTheat52
Аматорский Кружок при Отділах Л.С. и К.Н. Союза в Пассайку, Н. Дж. — Николай Гойдич
На фотографии показаны — сидят сліва направо: Мария Брунда (мама молодой), Тим. Магала (дружба), Мария Фучила (дружка), Алексей Козик (молодый), Мария Милян (молода), Семан Фучила (дружба), Мария Процак (дружка), Михаил Васеленко — домотар, М. Миценко (свашка). Стоят сліва направо: Николай Гойдич (староста), Лил. Тарас (весільна), Андрей Карый (отец молодой), Иван Рущак (отец молодого), А. Козик (свашка), Євка Сидоряк (весільна), Анна Милян (циганка и весільна), Анна Іезуско (весільна), Анна Шубяк (газдыня), М. Загорьян (мама молодого), М. Томчик (свашка), Анна Бабяк (свашка), Андрей Бабяк (заставник), Алексей Бідняк (суфлер). Музыканты: Стефан Челак, Теодор Рудавский, Иван Филипс. Діти — сліва Анна и Дженет Фучила; справа Нанси Гойдич и Мария Рущак.

В таком порядку выступали аматоры в первом представлении. Потом в слідующых выступах зашла зміна, бо молодого Алексея Козика забрали до войска, то його роль исполнял Семан Фучила, а Иван Рущак взял роль дружбы. Дальше Василь Іезуско исполнял роль отца молодого. Дружку на місце Марии Процак забрала Анна Завойска.

Так само брали участие в представлении “Лемковске Весіля” А. Челак, Иван Миценко и другы, котрых на фотографии нема. 

А теперь пару слов о том, як была организована у нас в Пассайку аматорска группа, котра поставила представление “Лемковске Весіля”.

Зышлося несколько передовых членов на митинг и бесідуют, же треба бы робити даяке представление, бо в Пассайку уж давно ничего не робили. Але яке? Рішили, же “Лемковске Весіля”. Глядаме аматоров. Здавалося, же то буде легко. Всі ся приобіцяли, але на пробу не пришли. Звідуємеся, што ся стало. Один гварит, же му повідали, што може роботу стратити, як піде с нами грати представление. Инший повідат, же вшиткы можеме быти арестованы на “стейджу”.

Глядаме другых. И нашли. Не всі вірят в такы страхы.

Поставили сме представление “Лемковске Весіля”. Народа ся зышла така масса, што велика галя Народного Дома на Третьей улиці в Пассайку ище стилько не поміщала. На мясниці рішили поставити другий раз в Пассайку. И другым разом галя переполнена. По великодни запросили нас до Елизабет, Н. Дж., с тым представлением. И там галя Русского Народного Дома переполнена. В Елизабет окружный организатор 1-го Округа Л.С. запросил нас до Карпаторусского Американского Центра в Юнкерс, Н. Й. Аматоры ся згодили, так в осени поставиме “Лемковске Весіля” четвертый раз.


Николай Гойдич,
Клифтон, Н. Дж.



[BACK]