Пише краян, же ся жены
Американкы збыл, —
Ты счастливый, што-с
Недолго с ньом жил.
Ту в Америкі жиют
По разному:
Коли жена захоче, то
Марш мі з дому.
Неє розбору,
Яка хлопина:
Ци малый, ци велький,
Як драбина.
Лем она грошы
Собі призберат,
То на хлопа все
Криво позерат.
Хоц не курит, не пье
И не доідат,
Жена все наріче:
“Біда моя, біда”.
В церкви присягала
Любовь до смерти,
Треба брати розвод,
Кедь не хоче вмерти.
Совість свою и встыд
Засылам до неба,
Бо такого хочу,
Якого мі треба.
Піду я зараз
До адвоката,
И скоро сь збуду
Свого чудака.
Такы ту чуда
Ся теперь водят,
И стары жены
Уж ся розводят.
Причина — в роскоши
И меньше розума,
Людского россудка
И в кумы и в кума.

Конечнян.
(Вотербери, Конн.).