Як єм был на Лемковині
Маленькым Найдухом,
Дораз летіл в тоту страну,
Где чул банду ухом.

Коли заграла музыка
Гушли, бас, цимбалы,
То я летіл, як на огень,
На такы забавы.

Але стоял я на боці,
Встыд было повісти:
“Под-же, дівча, танцувати”,
Не было где сісти.

Але жебы танцувати,
Треба штуку знати,
Поскакал дівці по ногах,
Зачала плакати.

А я гварю: “Ид, ты козо,
Што будешь бечала,
Я ту тому нич не винен,
Так музыка грала...”

Нич то зато, моя люба,
Я того жалую,
На другий раз, як тя возму,
То тыж ся вызую.

Даниил В. Найдух,
Нью Йорк, Н.Й.