Лічничы місцевости на Пряшевщині

Як взагалі в Карпатах, так и в гористых районах Пряшевщины єсть много лічничых минеральных жерел, из котрых гдеякы давно ужстали извістными и были выуживаны для лічничых цілей.

В прославленны лічничы місцевосте Пряшевщины приізжают каждого року тысячы людей, котры глядают исціления от ріжных недугов або облегчения и отдыха.

Значение лічения минеральными водами відомо широкым кругам людей. Бальнеология давно уж заниматся обслідованием минеральных вод и их цілебных свойств, а также изучением розличных способов лічения тыми водами.

Для хворых лічение в купелевых місцях представляє ріжноракы выгоды, бо пребываючи в такой місцевости, хворы отрываются от своих повседневных старунков и всякых дробных неприятностей, якы их пригнетают дома. Они успокоюются душевно и при постоянном лікарском надзорі можут быстро поправити свое здоровье.

В минувшині при старых порядках купелевы містности служили по большой части богатым людям и панам урядникам, котры мали достаточно грошей, штобы заплатити за дороге содержание в роскошных гостиницах и за лічение в купелевых місцях. Простому робочому и селянину было не под силу лічитися в такых місцях. Но теперь при народно-демократичной власти в Чехословакии условия змінились цілковито. Лічничы купелевы місця были отданы до ужитку працуючым людям. Теперь не смотрят на то, кто має грошы, и може заплатити, а на то, кому потребне лічение в купелевых місцях. И само пребывание и лічение в купелевых заведениях стало бесплатным. Робочы организации, а головно робочы юнии и уряды социального обеспечения посылают туда працуючых людей, котрым по опреділению доктора потребно таке лічение.

Чехословакия має много славных на цілый світ лічничых купелевых місцевостей. Но и на Пряшевщині єсть знаны широко минеральны купели и курорты.

На первом місци меже курортами Пряшевского края можна назвати Бардейовский курорт. Воды його настолько были славны в старой Австро-Венгрии, што туда іздила лічитися жена австрийского императора.

Теперь Бардейовскы купелй широко открыты для всіх працуючых, котрым потребно специальне лічение. Красота природы, окружающа Бардейовский курорт, ділає його особливо притягаючым, а многочисленны красивы будовы ділают пребывание в нем для хворых и отдыхающых особливо приятным. Захраненне от вітров положение и окружающы його хвойны лісы придают и обеспечают Бардейовскому курорту лагодный и легкий воздух.

Тут суть три жерела углекислой железистой минеральной воды, котра дуже помагат при лічению болізней жолудка и кишок, женскых болізней, также болізней сердца, дыхательных органов, накожных болізней (екзема, происходяща от жолудковых болізней) и др. Многы посітители настилько любят Бардейовский курорт и красоту його природы, што каждого року приізжают туда, не жаліючи даже своих приватных средств на покрытие росходов, што при все улучшающыхся условиях жизни в Чехословацкой республикі являєся доступным для ширшых и ширшых кругов трудового населения.

Лічнича місцевость Цигелка являєся такым же широко извістным жерелом минеральных вод, як и Бардийов. Вода його незамінима для людей, страдающых надвышком жолудковой кислоты. Такы люде пьют тоту воду, котра продяєся повсюду в запечатанных бутылках. Лічатся в Цигелкі такы болізни, як хроничный катар жолудка (с надвышком жолудковой кислоты), хроничный катар кишечника, заболівания дыхательных путей (хроничный бронхит, сухий катар, астма), болізни сердца (повышение давление крови, артериосклероз), накожны болізни.

В Цигелкі єсть 5 розличных жерел минеральной воды. Окружающы горы покрыты хвойными и лиственными лісами, што ділає пребывание в том курорті особливо приятным и для здоровья полезным. Один недостаток єсть в том, што Цигелка дуже занедбана, ніт доктора, и тому лічение ограничатся тут питьем минеральной воды и минеральными ваннами. Но не взираючи на указанны недостаткы, Цигелка и єй незамінима цілебна минеральна вода можут рахуватися на одном из первых місц в Пряшевском краю.

Вышны Ружбахы являются такым же знаменитым купелевым місцем, як и оба попередно названны. Положены Ружбахы уж близко Высокых Татр и потому отличаются горным климатом и прекрасном природом. Окружающы горы покрыты хвойными (шпильковыми) деревами. Тут єсть пять жерел, из котрых штыри углекислы, в том числі три теплы и одно холодне, и одно жерел о теплой сірной воды. Теплота воды 22,9 градусов. Лічатся в Ружбахах болізни циркуляции крови (низке давление крови, нервоз сердца и другы болізни сердца), болізни мочевых путей. Тот курорт прекрасно зарядженый.

Лічнича місцевость Смерджонка так само широко извістна в Пряшевском краю. Положена высоко, 500 метров над уровнем моря. Прекрасна долина рікы Дунайца, протекающа тут и служаща границом меже Чехословакиом и Польшом, неописуєма красота окружающых гор, покрытых хвойными лісами — всі тоты свойства Смерджонкы врізуются навсегда в память посітителей.

В Смерджонкі суть три жерела углесірной воды. Лічатся тут недугы травления и кожы. Сейчас Смерджонка являєся місцем отдыха для членов робочых юний. Особливу достопримічательность Смерджонкы составляє Червеный Кляштор — старинный костел с розвалинами монастыря существовавшого тут с ХІІІ віка.

Ишля, недалеко Пряшева, являєся маленькым курортом місцевого значения, где глядают головно исціления от ревматизма жители Пряшева и окрестностей. В великом парку, росположенном среди полей, недалеко от станции Шебастова, находится пять жерел минеральной воды и цілебного болота.

Щавник являєся отдавна знаным курортом на Маковиці. Послі войны он не был ище приведеный в прежний вид, но всетаки и теперь посіщают його для исціления болізней жолудка и кишечника (хроничный катар, жолудковы язвы, хроничный запор). Тут находятся три жерела сірной воды. Щавник сильно пострадал от войны. При фашистском режимі словацкого правительства купелевы будинкы и зарядженье были запущены, а фронт докончил діло.

Шваблювка являєся маленькым курортом коло Сабинова, окруженна горами, покрытыми лісом. Тут лічатся женекы недугы и другы заболівания. Містность дуже красива и отличаєся здоровым воздухом, длятого сюда приізжают не тилько немощны, котры глядают лічения, но и трудовый народ, котрому послі роботы потребный отдых для освіжения и восстановления сил.

Лічнича місцевость Любовня находится близко міста Стара Любовня, на высоті 550 метров над уровнем моря, среди гор, покрытых хвойными лісами. Тут суть три жерела углекислой железистой воды, яку уживают для лічения малокровия, болізней мочевых путей, кишечника.

Липовец Пряшевского края славится знаменитым жерелом “Салватор” и минеральном во дом под тым-же названием, яка продяєся в бутылках не тилько в республикі, но и за єй преділами.

Из другых лічничых місцевостей Пряшевского края можна упомянута ище Цемяту, коло Пряшева, улюбленне місце отдыха, среди лісов, посіщаєме жителями Пряшева, где тоже єсть минеральна вода, но для лічничых цілей тота місцевость не была ище заряджена.

Так само минеральным жерелом місцевого значения являєся Боркут в 3 километрах от Пряшева, росположенный в живописной лісной містности. Воду того жерела каждый день возят по Пряшеві. То любиме місце для екскурсий пряшевскых жителей.


[BACK]