ТИГРИС И ЛИШКА
Байка

У виділ тигрис лишку. Зубы оскалил, пазуры выпустил и рычит:

— Я тебе зъім!

— Як же то ты мене зъішь? — говорит лишка. — Може я сильнійша от тебе?

Зачудувался тигрис.

— Ты, така маленька, ты сильнійша от мене?

— Но посмотриме! — говорит лишка — Підеме разом по дорогі. Ты замічай, кого больше боятся — тебе ци мене! Кого больше боятся — тот сильнійший, а кто сильнійший, тот другого може зъісти.

Тигрис згодился на таку пробу. Пошли они разом. Лишка выбігла вперед, а тигрис за ньом иде. И всі от них розбігаются. Тигрис великий, то хоц и зозаду иде, його всьо ровно всі видят.

А лишка говорит:

— Ну што? Виділ єс, як мене всі боятся? Я впереду иду — то от мене всі и спасаются, а на тебе никто и увагы не звертат.

Перестрашился тигрис, як бы його лишка не зъіла, поджал хвост и втіче до ліса. А лишка йому вслід кричит:

— Значит, я направду сильнійша, бо ты сам мене настрашился.

Ей тигрисе, тигрисе! Ты зауважил, як всі лишкы боятся, а тилько не зауважил, як лишка тебе перехитрила!




В нашой Америкі надзвычай дуже людей хворіє на сердце. Можна даже сказати, што САШ то слабосердечна нация.

Сердце в тілі человіка має свою независиму от нашой воли автономию. Не можеме керувати мускулами сердца так, як мускулами рукы — куда хочешь, то повернешь. Но сильны чувства дійствуют на сердце помимо нашой воли. И способ житья отражатся на роботі сердца. Инакше сердце буде битися у человіка, котрый по 60 миль на годину проізжат в автомобилю, як у того, котрый ціле житье не знал скоршей ізды, як на старокрайовом возі быками по 4 мили на годину.




Кто робит по фабриках при машинах, то знає, што добра машина не скрипит, не скаче, часом єй ани не чути, як иде, а она велику роботу робит. Но як машина шумит, галасує, то штоси зле. От такой машины не можна сподіватися доброй роботы.

Так оно быват дуже часто и с людьми в житью и с членами в организации.




[BACK]