Пушка, яка Стрілят лем на Восток

Западным великым державам трудно договоритися в справі вооружения Германии и возрождения германского милитаризма. Даже без участия Совітского Союза, на своих приватных конференциях Англия, Франция и США не можут найти выхода из трудного положения. Германию было бы легко вооружити, єсли бы западны державы мали гарантии, што німцы, получивши оружие, выужиют тото оружие лем против Совітского Союза, а не обернут його найперше против Франции, Англии и другых западных держав.

Німецкы газеты потішаются над тыми клопотами западных держав и придумуют ріжны жарты. Німецка газета “Аахенер Нахрихтен”, выходяща в місті Аахен, в Западной Германии, помістила каррикатуру, на котрой показана канцелярия американского генерала в Германии. Генерал сидит за столом, а перед ним стоит инженер-вынаходчик с новым оружием — автоматичном пушком на колечках. Показуючи на пушку, инженер говорит генералу:

— Я придумал идеальне оружие для німцев: оно стрілят лем на восток




[BACK]