Так Світ Иде

Штобы с западном цивилизациом говорити як ровный с ровным, то треба знати язык той цивилизации. То не французский, не английский, не німецкий язык, ани не язык Евангелия, ни культурных достижений, ни передовой литературы, а язык пушек.


PolitCart1
Так світ иде: — Доктрина Трумана в представлении английского каррикатуриста. Президент Труман городит світ долларами, штобы задержати ширение коммунизма.

Єсли вы не владієте тым языком, то с вами западна цивилизация говорит як с колониальным народом и смотрит на вас як на варваров. Русскы дворяне, польскы шляхтичы, чешскы, хорватскы, болгарскы интеллигенты, докторы, политикеры выучували французский, английский, німецкий языкы, говорили ними лучше, як своим родным, штобы попасти в фамелию западной цивилизации, но все оставались людьми другорядного сорта, бо пушек у них не было такых, як у Западной Европы. В столкновениях с колониальными и другыми “отсталыми” народами світа западна цивилизация брала верх не завдяки свойой парламентской системі, або демократии або лучшой религии и моральности, а завдяки своим лучным пушкам. Чехословакия перед войном под руководством Масарика—Бенеша запроваджала у себе чисто западну демократию, наслідуючи найвірнійше западны формы, но и так западна цивилизация продала в Мюнхені Чехословакию, як штоси маловартне, ани слова не дотримали єй, бо у Бенеша мало пушек было. А с японцами начинали уж говорити як с цивилизованным народом, хоц и азиаты, бо у японцев было много пушек.

Теперь, послі свойой великой революции, Россия кинулась в индустрию и науку, и научилась робити добры пушкы — не горшы от западных, то западна цивилизация потрясена до самого основания.




Давнійше як пришла война, то в часі воєнной мобилизации плакали за тыми, што рокували до войска и мали идти на фронт. Плакали за ними, же их може забити. А тоты, што оставались дома, были певны, же воєнна смерть их мине.

Теперь, як приде война и мобилизация, то трудно буде рішити, кому за кым плакати: ци за тыми, што пойдут на фронт, ци за тыми, што останутся дома? Однаково всім грозит воєнна смерть. Бомбы будут падати не лем на фронті, но всяди по цілой крайні.

Давнійше и воєнна смерть не была така страшна. Она пішком за войском ходила. Но теперісіла на аероплан и воздухом перелітує по 700 миль на годину, с газами и бактериями связалась и часто робит свою роботу незамітно для людского ока.




Отравляти человіка ядом заборонено законом. За то карют, як за убийство. Но отравление вашого розума пропагандом не заборонено законом. А отравление душевне єсть горше от тілесного, бо што ваше тіло вартат, як ваш розум єсть зопсутый, знищеный?

Против отровы душевной треба боронитися самому, бо закон не дає вам протекции. Мусите быти достаточно хитрым, жебы роспознати ядовиту пропаганду от честной и правдивой информации. Як то роспознате, то вы не дате фальшивым людям отрути ваш розум.




Америка мало што змінилася за послідных 30 літ. Як была выбудована до 1920 року, така єсть А Россия за тых 30 літ пережила огромны переміны.

В житью народов, як и в житью поодинокых особ, один стоит на місци, бо дошол давнійше до полного розвитая сил, а другий дорастат, наберат сил и начинат перерастати сусіда, котрый перше дозріл. Из того борьба возникат, бо тот, што перше вырос, привык смотріти на отставшого сусіда як на дітину и попыхати ним, як дітином. А тота дітина уж подросла, набрала сил, и приде такий момент, што она не даст собом попыхати сусідови, лем отверне руком и в зубы. Тот старший може ище раз або два осилити дітину, але с каждым роком подростаюча дітина што раз сильнійша, а тот старший сусід што раз слабший, бо старієся и тратит силы. В конці концов приде такий момент, што тота бывша дітина звалит старого человіка на землю, а як зле воспитана, то буде копати до лежачого.

Дагде мают законы для охоронні стариков. Може добре было бы мати и законы для охороны постарівшых народов и социалнных систем, жебы дорослы діти не копали до них, як повалят их на землю.


В СССР за три рокы и 9 місяцев послівоєнной пятиліткы восстановлено, побудувано и пущено в рух понад 4,600 державных индустриалнных предприятий, не рахуючи кооперативных и другых малых предприятий.



Десяти тысяч стахановцев индустриалнных предприятий Львова встрітили 10-літие воссоєдинения выполнением своих пятилітных задач. Из того видно найлучше, с якым воодушевлением и порывом працуют львовскы робочы, двигаючи быстро впере отчизняну индустрию.


PolitCart2
Так світ иде: — Централнна проблема европейской политикы в представлении английского каррикатуриста. Германия ныні поділена и находится под контролном оккупацийных держав. Но роздоры меже западными державами и Совітскым Союзом можут открыта німцам ище раз дорогу к объединению и новой войні.



[BACK]