Шквиртнянский пикник — Петро Моссейчук

Я уроженец Волынской губернии женился в Канаді с Настом Корень, родом из села Шквиртне, на Лемковщині. Через жену я познакомился ближе с другыми шквиртнянами.

Много россказовала мні жена о свойом родном селі и также о місточку Стемфорд в Соєдиненных Штатах, где поселилось мноно шквиртнянов, среди них и нашы близкы родственникы: Адамці, стрыкове Коды и др. Так вот мы с женом и сынком Николайом выбрались літом 1949 року до Стемфорд на пикник, штобы при той нагоді встрітитися с родственниками и краянами.

Я читал много раз в газеті “Карпатска Русь” похвальны письма о пикниках в Стемфорд, и у мене уж было представление, што стемфордскы пикникы, то штоси лучше от другых звычайных пикников. Но мушу признатися, што стемфордский пикник перевышил всі мои стары уявления о Стемфорді.


На родинном пикнику Шквиртнянов в Стемфорд, Конн., в июні 1949.

Я встрітил там людей бодрых, веселых, дружелюбных и гостинных. Всі они близкы собі по характеру, як бы вышли из одной фамелии. Радушно угощают друг друга и позерают, штобы дакого не оминути.

Сердечна подяка всім членам Лемко-Союза в Стемфорд за их труд для организации и за гостину, яку мы мали разом с ними на пикнику.

Мы гостили в Стемфорд цілый тыждень, и на слідуючу неділю наша родина устроили для нас родинный пикник, або може лучше назвати — Шквиртнянский пикник. На том пикнику я уж мал возможность видіти вкупі всіх шквиртнянов и квятонянов. Взаимна родинна любовь, гостеприимность, одинаковы стремления к лучшой жизни и к лучшой будучности народа объєдиняли нас так, што мні здавалося, што я знакомый с ними с незапамятных часов, што я вырос разом с ними, што я тоже зо Шквиртного.

Я дуже тішуся, што мы поіхали отвидіти родину и краянов в Стемфорд и познакомились с ними. Выражаю сердечну благодарность стрыкам Кодам, их сынам, дочкам, внукам и всей родині за гостину и всьо, што они зробили для нас.

На всю жизнь останутся нам в памяти веселы дни, проведенны среди нашых родственников в Стемфорд.


Петро Моссейчук.



[BACK]