НИКОЛАЙ ГУДЗИЙ
Дійсный член Академии Наук УССР
Наш Пушкин — Николай Гудзий

В июню 1949 року Совітска краиня отмічала 150-літие со дня рождения гениального сына великого русского народа, одного из найвиднійшых поетов світа — Александра Сергиевича Пушкина. В дни Великой Отчизняной войны совітского народа Сталин назвал имя Пушкина в ряду имен, котры представляют гордость и славу русской нации. Тоту славу Пушкину навікы забеспечила не тилько чаруюча красота його вершов, але насамперед його прогрессивны идеи, його свободолюбие, гуманизм, гениальна способность реального изображения русского человіка, быта и природы.


Торжественне засідание Академии Наук СССР в Колонном залі Дома Союзов в Москві, посвящение 150-літию со дня рождения А. С. Пушкина.

Передовы діятели русской культуры и литературы с воодушевлением говорили про Пушкина, як про найбольшого, найгениальнійшого русского национального поета. Н. В. Гоголь писал:

“Пушкин єсть явление надзвычайне и, можливо, єдине явление русского духа: то — русский человік в його розвитии, в яком он, може быти, явится по двасто роках. В нем русска природа, русска душа, русский язык, русский характер — отразились в той же чистоті, в той же очищенной красоті, в якой отражаєся краєвид на выпуклой поверхности оптичного шкла”.

Справді, Пушкин втілил в собі невычерпанны богатства, заложенны в духовной культурі народа, який створил його. Он стал выразительом духовной могутности русского народа и найяскравшым проявом його розумовой и поетичной способности. Русску литературу он поднял на таку высоту и надал єй такой силы, што тым обеспечил дальший надзвычайно быстрый поступальный єй рух, єй світове значение и світовый вплыв. Художны скарбы, створенны Пушкиным, втягла в себе дальша литература аж до сегодняшнього дня. И не тилько русска, але и литература братскых совітскых народов, а также народов родственных славянскых краин.

В наш час здійснилося пророцтво великого русского поета:


“Про мене отголос пройде в Руси великой,
И нарече мене всяк сущий в ней язык.”

Творчество Пушкина ныні стало достоянием всего многонационального Совітского Союза. За тридцет роков совітской власти творы Пушкина, переведенны на 76 языков, выйшли тиражем близко 45 миллионов екземпляров. Причом выданы они в такой полноті и с таком текстологичном точностьом, про яку дореволюцийны пушкинознавцы не могли и снити. За рокы совітской власти изучение творчества и биографии Пушкина во много раз превышило всьо, што было зроблено в той области до Октябрьской революции. А то тому, што тилько наша революцийна епоха змогла во всей полноті зрозуміти величие Пушкина — великого свободолюбца и гуманность гениального реформатора русской письменности, родоначальника и основоположника новой русской литературы. Значение його творчества уж давно перекрочило далеко за межы нашой Отчизны. Його творы знаны цілому світу.

Пушкин безгранично любил свою отчизну, и тото чувство не мог притупити пануючий в краині реакцийный режим. События Отчизняной войны 1812 р. научили Пушкина, як и все його поколінне дорожити славом и достоинством свойой отчизны. Тото почутье Пушкин розділял с будущыми декабристами, своими єдиномышленниками в поглядах на дорогы политичного розвития России.

Великий поет вірил в могутность, величие и высоку историчну миссию русского народа. Откликуючись на “философский лист” Чаадаева, в яком тот скептично оцінял минувшину и будучность России, Пушкин, упоминании о героичных страницах из истории русского народа, писал: “Клянусь честьом, ни за што в світі я не хотіл бы перемінити отчизну, або мати иншу историю, кромі истории нашых предков...”


PushBulv
В Москві, на Пушкинском бульварі перед началом митинга 5-го июня 1949, посвященного 150-літию со дня рождения великого русского поета А. С. Пушкина: Генеральный секретарь Союза совітскых писателей А. А. Фадеев бесідує с внуком великого поета Г. Г. Пушкиным и праправнучкой Юлией Пушкиной.

Пушкин выразно усвідомлял величезну роль свойой краины в ділі спасения европейской культуры от ворожых єй сил. “России вызначено было высоке призначение, — говорил он, маючи на увагі борьбу русской державы против татарского ярма. — Єй неохватны ровнины поглотили силу монголов и задержали их навалу на самом краю Европы; варвары не осмілились залишити у себе в тылу пригнобленну Русь и повернулись в степи свого востока. Начинаючася цивилизация была спасена подробленном и конаючом Россиом...”

Вдивляючись в будучность, великий мыслитель с гордостьом за русский народ заявлял, што “освобождение Европы приде из России”.

Пушкин с пристрастном и обуренном заступался за честь и достоиство свойой отчизны, коли в єй домашны справы намагались вмішатися чужоземны политиканы, якы желали дискредитувати Россию. Так само різко Пушкин нападал на дворянскых космополитов, сих чужинцев в свойой отчизні, якы с погордом относились до русскою народа, до всього отчизняного и ползали на колінах перед заграницом. Поет неутомимо боролся за утверждение русской национальной свідомости, за национальну самобытность русской культуры.

В творчестві и світогляді Пушкина не могли не отбиватись вплывы того социального середовища, до якого он належал своим родом и воспитанием. Але величие Пушкина заключаєся именно в том, што завдяки широті своих поглядов и могутности свого художнього гения, он объєктивно потрафил преодолівати исторично неминучу ограниченность своих классовых позиций и был разом с найпрогрессивнійшыми людьми свойой сполечности. “От кого бы я не походил, — говорит Пушкин, — напрям мыслей моих от сего нияк бы не залежа”. М. Горький додал до тых слов Пушкина слідуюче: “То суть слова человіка, який чувствовал, што для него интересы всей нации выше интересов одного дворянства. А говорил он так тому, што його особистый досвід был ширший и глыбший от досвіду дворянского класса.” Пушкин близкий к народу, он отражал прогрессивны стремления епохы, мысли и мріи передовых людей сполечности. Тым-то он был предвістником многых идеалов слідующых поколіний.


А. С. Лушкин, в дітстві проводил літо в маєтку свойой бабушкы М. А. Ганнибал в Захарові, коло Москвы. 5-го июня 1949р. в том селі открыто памятник великому поету. На открытии памятника выступили с бесідами академик Б. Д. Греков, член-корреспондент Академии Наук ССОР А. М. Еголин (показанный на фотографии) и другы.

Ище в молодости “вслід за Радищевым” прославивши свободу, Пушкин до конца жизни оставался поетом-гражданиом, выразителем высокых идей свободолюбия, врагом и ненавистником деспотизма. Пушкин мал тісны связи с лучшыми людьми свого часу — декабристами, он рос и формувался в одной духовной атмосфері с ними. С членами тайного Полудневого товариства, яке ставило собі за ціль установление в России демократичной республикы, Пушкин сблизился в Кишиневі и в Камянкі на Киевщині. “Я мал связь майже со всіми и переписувался с многыми из заговорщиков,” свідчит сам Пушкин. Як раз в том часі на полудню России сосредоточена была діятельность найбольше радикальной группы дворянскых революционеров, идеология и практика якых, по опреділению Ленина, характеризовада первый, дворянский етап русского освободительного движения. Всі они належали до воєнного осередку и приготовляли воєнный переворот. Пушкин прагнул взяти особисту участь в революцийной діятельности и в подготовкі восстания. Хотя формально он и не брал участи в заговорі декабристов, но он был поетичным выразителем того заговора. Революцийны вершы Пушкина отограли велику идеологичну роль в руху декабристов. Друзья Пушкина, члены тайного товариства наумысно усували його от прямой участи в их замыслах, по-перше, тому што за опальным поетом слідила полиция, и он мог подвести не лем себе, но и всю организацию, подруге, можна додумуватися, тому, што, цінячи высоко поетичный талант Пушкина, они не хотіли выставляти поета на небеспеку, связанну с активном революцийном роботом. Длятого, як говорил друг Пушкина — П. А Вяземский, добре ознакомленый с настроями Пушкина на полудню, “хотя Пушкин и не належал до заговора, який затаювали от него, но он жил и роспалювался в той жаркой, вулканичной атмосфері”, принимал участь в горячых политичных диспутах, што там отбывались. Отже, существує незаперечно пряма идеологична спольность меже декабристами и Пушкиным. Послі розгрома декабристов, Пушкин на вопрос царя Николая І, где бы он был 14 декабря, отвітил: “В рядах бунтовщиков”. Именно революционизуюча роль пушкинской поезии привела його до ссылкы на полудне.

Пушкин сподівался близкой революции в России, отверто говорил: “Подлец тот, кто не желає зміны правительства в России”.

В стихотворении, посвященном В. Л. Давыдову, Пушкин споминат придавление народной революции в Неаполі и высказує надію, што в России приде кровава революция и даст свободу народу:


Ужель надежды луч исчез?
Но нет, мы счастьем насладимся,
Кровавой чашей причастимся —
И я скажу: “Христос воскрес”.

В духі политичных идей лівого крыла декабристов Пушкин пише в Кишиневі свои заміткы из русской истории ХѴІІІ столітия, в якых он, с одной стороны, різко, говорит о захланных требованиях русской аристократии в посліпетровский период на шкоду народным интересам, а с другой — сурово осуджує деспотизм Екатерины ІІ и Павла І, як и поведение лакомых и продажных екатеринскых вельмож. Коли до Пушкина доходили вісти о подавлении революцийных рухов на Западі, он приходит до переконания, што воєнна революция без поддержки народных масс не може числити на успіх, и пристає до демократичной революцийностй, установляючи связь с Белинским. Пушкин был одним из первых организаторов журнала “Современник”, який отограл велику роль в объєдинении прогрессивных сил России и в розвитии революцийно-демократичного руху и русской литературы.

Родоначальник новой русской литературы, Пушкин был и творцом русского литературного языка. В свойом творчестві он выкорыстал попередны осягненья книжного русского языка, обогативши його живом струйом народного языка. В той роботі йому допомогло його прекрасне знание русской народной поезии и горяча любовь той поезии.

Пушкин был первым великым русскым реалистом. Он створил первый направду реалистичный роман в вершах “Евгений Онегин” и перву историчну реалистичну повість “Капитанская дочка”. От сих творов и от його “Графа Нулина”, “Домика в Коломне”, “Станционного смотрителя” и “Истории села Горюхина” треба вести початок того великого реализма, який прославил русску литературу в цілом світі.

В свойом творчестві Пушкин в найбольшой мірі выполнил проголошенный прогрессивными русскыми писателями лозунг народности, як основы и жерела культурного будовництва. Йому было близке всьо справді народне, он глубоко дорожил всіми проявами национальной самобытности, духа родного народа. Народность для Пушкина была опором в його борьбі за розвитие самобытной русской культуры, за освобождение єй от наносных чужеземных вплывов. Он высоко цінил духовну культуру русского народа, засвідченну уж найстаршыми памятниками його литературы, и с воодушевлением в послідны рокы свого житья прадувал над тлумаченьем дорогоцінного “Слова о полку Игоревом”. Пушкин преклонялся перед чудовыми русскыми людьми, якы выйшли из самой гущы народа, называл Ломоносова “великым человіком”, “первым нашым университетом” и говорил, што “имена Минина и Ломоносова двоих переважают всі нашы родоводы”.


У памятника А. С. Пушкина в містецком саду в Кишиневі состоялся 5 июня 1949 р. торжественный митинг школяров, посвященный 150-Лтию со дня рождения великого русского поета.

Пушкин — один из найбольше свободолюбивых художников России. Он боролся за свободу людины, шанувал кажду людску особу, любил пригнобленных и знедоленных трудовников. Сам поет подчеркнул значение свого творчества именно в том, што оно служило цілому народу:


И долго буду тем любезен я народу,
Что чувства добрые я лирой пробуждал,
Что в мой жестокий век восславил я свободу
И милость к падшим призывал.

Гениальность Пушкина, як художника, гармонийно соєдинялась с гениальностьом його розума и красотом його душевной личности. Йому властива была тота глубока всесторонность, тота жива чутливость до всього, чым жила сполечность, яка властива лем найвиднійшым людям. Поражаючом єсть многогранность интересов и познаний Пушкина в самых ріжнонародных галузях культуры. Он не тилько гениальный майстер художнього слова, але и чудовый литературный критик, який во многых мыслях о нашой литературі был попередником Белинского; он — видный журналист и публицист, што отстоювал прогрессивны идеи, свого часу; даровитый филолог и историк. Филологы-специалисты были поражены його дознаниями в языкознавстві, присяжны историкы высоко цінили його историчны росслідования. Маркс и Енгельс цитували його суждения в вопросах политичной економии, у Мицкевича бесіды с Пушкиным вызвали щире воодушевление. Пушкина любил и высоко ціни л В. И. Ленин.

Природа наділила Пушкина ріжносторонными талантами. И в историю нашой культуры он ввойшол, перше всего, як величайший поет світового значения. Он створил найсовершеннійшы образцы словесного искусства. Высоку идейность, глубину мысли и силу чувства он гармонийно соєдинял с блестящым мастерством.

Видны писатели світа, в том числі Мериме, Мопассан, Золя, словак Людвиг Штур, чехы Бендл, Пфлегер-Моравский, поеты иншых славянскых народов поставили Пушкина в один ряд с найвиднійшыми світовыми поетами и признали його творчество дорогоцінным достоянием всего человічества. Пушкин єсть близкий и дорогий всему передовому человічеству. Гуманизм и реализм, жизненность и цілеустремленность творов Пушкина отограют велику роль в сближении народов, што стоят на сторожі мира и свободы. Пушкин — співец дружбы и братства всіх волелюбных народов, што плечо-о-плечо идут до вышин коммунизма. Великий Пушкин запалює прогрессивных діятелей віром в торжество сил розума над чорными силами реакции и вооду шевляє пламенным желанием отчизні посвятити душы прекрасны порывы.

Гениальны творы Пушкина были відомы передовым сынам всіх нашых народов. На творах Пушкина выховувалися видны діятели братных литератур. Пушкин оплодотворил литературу всіх народов нашой отчизны. Бессмертне наслідство Пушкина отограло велику роль и в истории украинской литературы. Про любовь свою до Пушкина и про преклонение перед його гением говорили найбольшы украинскы поеты. Великий Шевченко больше всего любил творы Пушкина. Дуже высоко цінили Пушкина И. Франко, О. Федькович, П. Мирный. Прямый вплыв драматургии Пушкина замічаєся в драматичных творах Ивана Франка, Леси Украинкы, лирикы — в вершах Максима Рыльского.

Величезной популярности набыло творчество Пушкина среди украинского народа, який любовно хранит творческу спадщину великого поета, який отограл велику роль в присоєдинении украинской литературы к вершам передовой русской литературы. П. Г. Тычина писал к столітню со дня смерти Пушкина: “Из спадщины Пушкина черпали мы весь час. Из спадщины Пушкина черпаме и теперь. И будеме черпати без конца, бо мы хочеме розмовляти с півцем радости и счастья, с поетом-титаном... Так, отже, наперекор всім буржуазным националистам... Пушкин для Украины был, єсть и вічно буде! Вплыв Пушкина украинску поезию, як и на всю литературу нашу, никому не знищити, никому не затерти.”

Ище за житья Пушкина творы його перекладались на украинский язык. Але на тоту художну высоту, якой достойне єсть имя Пушкина, переводы його творов подняты были аж совітскыми украинскыми поетами. Тут достойно потрудились М. Рыльский, П. Тычина, М. Бажан, В. Сосюра, А. Малышко, Л. Первомайский, М. Терещенко и др. Украинскы литературны знатокы и критикы написали множество творов дотычно творчества и биографии Пушкина.

Великий русский поет, якого творы обогатили человічество, єсть близкий и дорогий всім трудящымся, як глашатай свободы, як борец за счастье людства. Так само и Пушкину были дорогы и близкы иншы народы, их волелюбны идеалы. Он цінил и шанувал их язык и культуру. Зокрема, Пушкину добре были відомы украинска народна поезия и украинска история. Послугуючись историчными творами Карамзина и книгами украинскых историков, Пушкин пише свои недокончены заміткы из истории Украины.

В нашом совітском обществі великий поет русского, народа чым дальше, тым больше роскрыватся во всей могутности свого гения не талько для родного йому русского народа, але и для всіх народов совітской земли, бо велика русска литература стала теперь сполечным достоянием могучого содружества всіх народов, што населяют нашу отчизну.

“Пушкин належит до явлений, якы вічно живут и движутся, не остановляются на той точні, на якой застала их смерть, а продолжают розвиватися в сознании общества, — писал Белинский. — Кажда епоха говорит о них свое слово: хотя як бы правильно порозуміла она их, але все останеся слідуючой епохі сказати што-нибудь нове и правильнійше”.

Совітска епоха найправдивійше оцінила Пушкина, осмыслила його творчество и його велике значение так, як не могла того зробити епоха дореволюцийна. То дало нам можность увидіти в його творах то, чого не виділи и не могли видіти раньше читатели Пушкина. Як раз наша епоха найглыбше оцінила Пушкина, бо його могучий дар в найбольшой мірі созвучный строю нашого советского житья. В свойой передовой статі “Правда” 10 февраля 1937 року писала: “Пушкин цілком наш, совітский, бо совітска власть унаслідовала все, што єсть лучшого в нашом народі, и сама она являєся осуществлением найлучшых желаний народных. Ныні, в соту годовщину смерти великого русского поета, ніт больше актуальной темы, як Пушкин и сучасна доба. В конці концов творчество Пушкина злилось с Октябрьском социалистичном революциом, як ріка вливатся в океан.

Так через столітия перекликуєся Пушкин с нашом великом сталинском епохом. Совітский народ под руководством коммунистичной партии побудувал могучу краину социализма, краину великой и неодолимой дружбы народов многонационального Советского Союза.




[BACK]