С Новым Годом — Т. Кохан
Прощай, старый наш годичку,
Ты был для нас, як то море,
В котром звольна мы топили
Нашу радость, наше горе.

А ты новый, што приходишь,
Будь достойным наслідником,
Где зле было, ты поправляй
И будь добрым провідником.

Ты молодый и красивый,
То весело тя встрічают,
Як молоды, так и стары,
Счастья, любви ожидают.

Може несешь тото счастье,
Але не знашь кому дати,
Про то бьются на том люде,
Штоб другому го вырвати.

Читателям, всім краянам
Я жиченья тут складаю:
С Новым Годом, друзья, братья
Вас сердечно поздравляю.

Т. Кохан,
Виннипег, Ман.



[BACK]