Неучены Скорше Выходят Замуж

Неучены скорше выходят замуж: — Статистика показує, што американскы дівчата чым меньше школы мают, тым скорше выходят замуж.

Самуил и Естер Клинг при нью-йоркской газеті “Ворлд-Телеграм” получили недавно такий запрос: “Ци то правда, што дівчині с малом школом найтруднійше выйти замуж?” Заглянувши в статистику, они отвітили так:

“Оно єсть як раз наоборот. Дівчина с малом школом може быти найпевнійша, што достане мужа. И дівчата с малом школом выходят скорше замуж, як их сестры, котры покончили лучшы школы.

Взята группу дівчат, котры не мали ани 5 літ школьной наукы, то из них 22% выходят замуж перед 20-ым роком свого житья, на 29-ом року житья уж 83% из них єсть замужом, а на 49-ом року житья майже всі (96%) замужны.

Но взята группу дівчат со средним образованием (котры были в “гай-скул”), то перед 20-ым роком свого житья лем 11% выходит замуж, на 29-ом року житья 73% из них єсть замужем, а на 49-ом року житья 88%.

Теперь взяти дівчата с высшым образованием, котры были в калледжі, то перед 20-ым роком житья лем 5% из них єсть замужем, на 29 року житья трохи больше як половина єсть замужем (53%), а на 49-ом року 70% єсть замужем. То значит, што на каждых 100 женщин с высшом школом єсть 30 такых, котры перед 50-ым роком свого житья не были николи замужем.

Так статистика показує ясно, што в США неучены дівчата мают большу возможность выйти замуж, як учены.




[BACK]