Мам я красный огродочок,
Што в ньом росне дрібный мачок,
Коли мачок дрібно, сходил,
Мій миленький за мнов ходил.
Ходил, ходил в день и в ночи,
Бо я маю шумны очы
Шумны очка, шумны личка,
Сама-м така невеличка.
А як німці воювали,
Миленького мі забрали, —
Любовь взяла быстра вода,
Шкода мойой любви, шкода.
|
Гводне плачу, гвечер плачу,
Же милого не зобачу.
Мій миленький, де ночуєшь,
Ци ты мого плачу чуєшь?
— Ночую я на чужині
При молодой при дівчині.
Мій миленький, што ты робишь
По дві — по три любишь, зводишь,
Ани маку ни насінья —
Мій миленький без сумлінья.
|
