Был раз пожар в нашом селі — 3апалилась хижа старого Гелі. Позбігались люде огонь гасити — А было дост далеко воду доносити.

Было уже поздно в ночи — Люде зо спанья протерали очы. Прилетіл на помощь и наш Ваньо Планка — Вже коновок забракло, то злапал збанка.

Набрал гноивкы, летит у пожежу — Зачепил тернину и упал под межу. Потовк ся неборак, вокруг подивился — И воды не донюс, бо збанок розбился.

Уж огонь угасал и уж темно было — А Ваньо так кричит, што слухати не мило. “Та чого сте загасили? Было трошкы лишити — Та теперь ся не видно воду доносити!”