Уже ряд літ при отділі Лемко-Союза ч. 10 в Нью Норку существує группа маленькых карпаторусскых танцоров, котра не лем приносит велику радость родителям танцоров и славу нашой организации, но и в великой мірі задоволят культурны потребы на нашых народных предприятиях.

ТАНЦОРСКА ШКОЛА ПРИ ОТДІЛІ ЛЕМКО-СОЮЗА ЧИСЛО 10 В НЬЮ ИОРКУ.

(Приклякнувшы хлопці): Роберт Кравчак, Николай Метц, Денис Дитц. (Перший ряд, с ліва направо): Мария Гамбушка, Соня Цисляк, Мария Глинка, Михаил Беньо, Глория Стренк, Ольга Жигаль и Валерия Стренк. (Другий ряд, с ліва направо): Инструкторка школы Олена Гибо, Теодор Метц, Мария Лукачина, Дороти Сикоряк, Маргарита Игнатик, Варвара Сапко, Анна Вислоцка и Мария Чеселка, гармонистка. (Фото-снимка краяна Стефана Выростко)

(Kneeling boys): Robert Kravchuk, Nicholas Metz, Dennis Ditz. (First row, from left to right): Maria Hambuschka, Sonia Cislak, Maria Glinka, Michael Benio, Gloria Strenk, Olga Segal, and Valeria Strenk. (Second row, left to right): Dance instructor Helen Gibo, Theodore Metz, Maria Lukachina, Dorothy Sikoriak, Margareta Ignatik, Barbara Sapko, Anna Vislotsky and Maria Chiselka, гармонистка. (Foto: Stephen Varostko)

В початках группа школувалася при самоучкі Анні Балаш, по родителях из Пряшевщины. Но она вышла замуж и оставила Нью Иорк. Єй місце заняла молода инструкторка Олена Гибо, донька Иосифа и Марты (из роду Коско), походящых из села Граб, пов. Ясло, на Лемковині. Олена не лем добра инструкторка, она высоко школувана танечница из найславнійшой на всю Америку русской танцорской группы им. Радищева. Оіна оставила радищевцев, штобы принята на себе больше отвітстврнну роботі — науку и розвитие маленькых карпаторусскых танцоров.

Она не єдина от лемковскых родителей в группі Радищева. Радищевцы близкы нам по роді, бо добра половина танцоров, то нашы лемковскы діти, або хоц их матери лемковского роду.

Радищевска группа взорує свои танцы на совітскых фильмах, котры в Нью Иорку показуют. Перенявши инструкторство, Олена перешколувала маленькых танцоров на взор тых славных танцев.

Ведение школы с малыми дітьми має свои особливы трудности. Дорастаючы и добре вышколены танцоры уходят, а их місце постоянно треба заполняти новыми учениками, с котрыми науку треба починати от початку. Но и так, кто лем виділ выступления той группы за послідный рок, цінит дуже высоко вышколение молодых талантов. Тым молодым ученикам желаєме успіха в их культурном розвитию.