Летят рокы за роками
В бесконечный закрут літ,
Все за тыми закрутами
Мы встрічаме новый світ.

Як в звычайных ріках воды
Беспрерывно вперед прут,
Хоц великы перешкоды, —
Рікы валят всьо и рвут.
И николи не вертают
Они к старым місцям взад
Лем путь вперед продолжают,
Бо то єсть вод річных лад.

Так и наша земля-мати
Несе вперед людский род,
Нема часу отпочати,
Бо из года она в год
Все крутится коло, солнца,
Отчисляє людям час,
Беспрерывно и без конца
В новый світ уносит нас.

Поки земля обернеся,
То світ дальше ушол весь, —
Никто больше не вернеся
На то місце, где он днесь.
[BACK]