Лемковский Баритон
Jerry Pavell
Джерри М. Павелл

Ярослава М. Павелчака (Джерри Павелл) знає вся наша карпаторусска публика в околиці Нью Норка. Тот молрдый даровитый профессиональный співак, баритон, выступал на многочисленных предприятиях нашых церковных, братскых и культурно-просветительных организаций.

Я. Павелчак родился в Нью Норку 1 октября 1918 року, в родині нашых лемковскых емигрантов. Потом його родиче перенеслися до поблизкого Юнкерса, где молодый сын посіщал школу. Ище в младшых классах “Гай-Скул” молодый Ярослав проявлял охоту и дарование к співу и к театральным выступлениям. Раз в місцевом театрі он выступал в массовой сцені перебранный за Наполеона. То был совсім маленький Наполеон, бо Ярославу минуло лем 12 літ.

Родиче не были заможны, як звычайно фабричны роботникы, то сыну треба было уж с молодых літ глядати заробку. Он продавал журналы, робил на газолиновой станции, позже починял пишущы машинкы, ходил за ордерами, як “сейлсмен” и т. д.

Послі окончания средньой школы, молодый Ярослав взялся серьозно розвивати свой голос. Студиювал у извістных профессоров музыкы в Нью Норку. В том часі його знали уж широко нашы организации, и кажда старалася достати молодого Павелчака на свои предприятия.

Перед войном он выступал в группі Бен Иоста. В часі войны наш молодый співак іздил с группом артистов Ник Кенни по воєнных ляграх розвеселяти и поднимати духа у молодых солдатов. Потом поступил на воєнну службу в армии. Як солдат медичнбй службы, Ярослав Павелчак прожил три рокы на госпитальном кораблі “Емили Г. М. Ведер” под командом полковника Осли. С тым кораблем он побывал во многых частях світа. Йому поручено было заниматися устройством забав и розвеселений на свойом кораблі, а также призывали його выступати перед пациентами в воєнных госпиталях.

С воєнной службы был звольненый в рангі старшого сержанта. Пару неділь послі того он уж выступал по американскых театрах в составі артистичной группы Джинни Симмс Радио Шоу из Голливуда. Потом гдеякий час співал в канадскых театрах и клубах с первыми артистами Канады и Соєдиненных Штатов.

Родиче Ярослава то нашы лемкы из Грибовского повіта. Отец Михаил Павелчак интересуєся живо нашыми народными ділами.

Молодому артйсту-співаку Джерри Павелл шлеме найлучшы пожелания. Може даколи йому удастся с другыми американскыми артистами посітити Совітский Союз и выступити перед нашыми крайовыми братьями в Ужгороді, Мукачеві, Львові и другых містах.




[BACK]