Памяти Заслуженного Народного Труженика (Иван Горощак)
John Horochak
Иван Горощак

Иван Горощак, родом из села Панкна, Горлицкого повіта, належал к числу самых активных тружеников на нашой народной ниві в Америкі.

В Америку, первый раз, он приіхал в 1900 року и прожил в Коннектикут до 1908 року. Но молодого Горощака тягло на русску землю. В Америкі он чувствовал себе на чужині. В 1908 року он из Америкы разом с женом выіхал в Россию, штобы там поселитися и жити меже своим народом. Через Либаву и Петербург он поіхал на юг России, побывал в Донбассі и другых южных районах России. В тых часах меже нашыми емигрантами в Америкі начался рух за переселение до России. Были люде, котры из Америкы хотіли іхати в Россию. Одным из инициаторов того руху был покойный ныні Виктор П. Гладик. Иван Горощак поіхал в Россию для осмотра, штобы перевідатися, ци можна там устроитися нашым лемковскым емигрантам из Америкы. Но ціла тота акция с переселением была слабо организована. Царске правительство не проявило ниякого интереса к тому начинанию. Так молодый Иван Горощак, розочарованный в России, вернулся найперше на Лемковщину, до свого родного села, а так за короткий час — в Америку. Он выіхал один и тайно, штобы уйти от войсковой службы в австрийской армии, а жена приіхала позже за ним.

Прибывши другий раз в Америку, Иван Горощак с женом Антониом (из роду Стбпень) жили 14 літ в Нью Иорку, а так переіхали в Клифтон, Н. Дж., и Патерсон, где прожили 22 рокы. Долгы рокы Иван Горощак робил столяром на желізной дорогі.

Основание и розвитие передовых отділов Лемко-Союза в Пассайку было тісно связане с именем Ивана Горощака. Много літ он был предсідателем мужского отділа ч. 16. Он был также членом-основателем Карпаторусского Американского Центра в Юнкерс и один рок занимал пост предсідателя той организации.

Иван Горощак бывал на всіх головных съіздах Л. С и на рочных засіданиях К. А. Центра. Он працувал с цілом енергиом для розвитая и укріпления нашых прогрессивных народных организаций, бо розуміл, што лем через организацию, просвіту и прогрессивну роботу народ може добитися лучшой будучности в світі.

И. Горощак скончался 27 августа 1946 року, оставляючи в глубоком смутку жену Антонию, сына Теодора и дві дочкы — Параску Мерену и Анну Феллер. Вість о його смерти вызвала глубокий жаль среди членов Л. С. Газета “Карпатска Русь” в посмертной заміткі писала, што смерть Ивана Горощака означат тяжку страту для всей в нашой лемковской емиграции в Америкі. Он любил горячо свою родну Лемковщину и Русь, и был всегда готовый помочи в роботі для добра свого родного краю и всего русского народа.




[BACK]