Памяти Лемковского Партизана
Greg Vodzik
Партизан
Григорий Водзик.

Григорий И. Водзик родился 25 марта 1907 року на Лемкорщйні — в селі Мшанна, Кроснянского повіта.

Його батько, Иван Водзик, был сельскым господарем в Міланні, а притом дьякувал в церкви и учил зимовом пором дітей в школі. В 1902 року Ивана Водзик приіхал в Америку и тут якийсь час так само был дьяком (в Конемау, Чарлерой, Пенн.), а притом робил в фабрикі. В 1906 року Иван Водзик вернулся до родного села и помер там в 1907.

Дідо Григория Водзика, Яков Водзик, был также церковным дьяком и ч славным співаком на цілу Лемковщину. В свойом часі, близко 90 літ тому назад, он іздил с хором на выставы и концерты до Перемышля, Львова, Будапешта и Відня. Он был дьяком при свящ. Костанкевичу, котрый потом переіхал в Америку и помер в Шамокин, Пенн.

Из такой дьяковской родины походил Григорий Водзик. Стративши батька в первом року свого житья, Григорий Водзик мусіл переживати трудны часы с наймолодшых літ и скоро познал біду нашого народа в старом краю. Но то не зломило його, лем загартовало до борьбы за лучшу долю родного краю.

В 1929 року молодый Григорий тримал лекцию в свойом селі и объяснял господарям, як жиє народ в Совітской России, а як в шляхетской Польші. В лекции он критиковал остро политику польского правительства. В Мшанні в том часі был православным священником звычайный полицейский доносчик — Шеремета. Запряг он полусліпу кобылу до воза и поіхал до Кросна с доносом польскым властям, што молодый Водзик организує коммунистичну партию в селі. Но Григорий не чекал, лем перешол тайно на чехословацку сторону до брата Павла. Пробыл у него два місяцы, и вернулся в родне село. Но Шеремета, як тилько довідался о том, зараз дал знати полиции. Дольший час ходили за ним польскы жандармы, но не могли його зловити, бо молодый Григорий крылся по лісах в день, а тилько в ночи приходил до села до своих кревных, што му помагали и давали істи. Нарешті, всетаки полиция при помочи попа Шереметы поймала го и забрала до Перемышля, где он просиділ в тюрьмі 18 місяцев.

Зараз послі гитлеровского нападу на Совітский Союз Григорий Водзик организує борьбу против німецкых захватчиков. Але 1 мая 1942 р. німцы поймали його и с другыми арестованными погнали до Дуклі. По дорогі Григорий вырвался и біжал в лісы. Разом с другими хлопцями, убіжавшыми от німецкого террора, он поднял Партизанску борьбу против німецкых фашистов. Літом 1943 року он был убитый при нападі партизанского отділа на німецкий воєнный транспорт коло Перегримкы. Там был и похованый. Оставил вдову, котра в 1945 року переселилась с другыми односельчанами до Совітского Союза.

Вічна память борцу-герою за права и свободу свого народа!




[BACK]